Չկա Ֆեյսբուքում Ալեն Դելոն. «Ցանցահենը»՝ Հասմիկ Ավագյան

ArmDaily.am-ը շարունակում է իր «Ցանցահեն» շարքը, որում ամեն անգամ անդրադառնում է Ֆեյսբուքում հայտնի, ակտիվ ու սիրված օգտատերերին։ Այս անգամ մեր շարքի հերոսը Հասմիկ Ավագյանն է։

-Հասմիկ, կորոնավիրուսն ի՞նչ փոխեց Ձեր ֆեյսբուքյան կյանքում։

-Բուժաշխատող լինելուս հանգամանքը ֆեյսբուքյան հեռու-մոտիկ ընկերների ուշադրության (անհանգստության տեսքով) հզոր ալիք բերեց, ինչը շատ անսպասելի էր ինձ համար: Սա վերարժևորումների պահ էր, իրոք բացահայտում էր:

-Ֆեյսբուքյան գրառում էիք արել և ասում եք՝ ես իմ երազն եմ կորցրել Երևանի գիշերներում։ Իսկ ֆեյսբուքյան կյանքում ի՞նչն եք կորցրել ու գտել։

-Այստեղ ոչինչ չեմ կորցրել, դեռ միայն գտնում եմ (անկեղծ ժպիտով եմ:))։

-Օգտատեր, ում պարտադիր է հետևել Ֆեյսբուքում։

-Անուններ չեմ տա, նրանք շատ են: Բայց կնշեմ, որ առավելությունն օգտակար տեղեկատվություն ու դրական էներգիա փոխանցողներինն է: Առհասարակ՝ միշտ բացասական տրամադրված ու անխնա բողոքող տեսակից պետք է հեռու լինել, ըստ իս:

-Ամենալավ մեմը կամ գրառումը, որ կարդացել եք այս օրերին կորոնավիրուսի մասին։

- (Հիշողությունս եմ լարում, դրանք այնքան շատ են :))): «Սերը կորոնավիրուսի օրերին» տողն առանձնացնեմ, թերևս, որպես մի քիչ գրքի ու գրքոտ մարդ (անհամեստությունս վեր բարձրացավ :)։

-Եթե Ֆեյսբուքը դառնար երգ, ո՞ր երգը կլիներ ու ով այն կկատարեր։

- Մարտի 8-ին էր, եթե չեմ սխալվում, որ անթիվ գիֆերի տարափից մի տող հիշեցի ու վերափոխեցի. «Երկնքի բոլոր գիֆե՜րը քեզ եմ նվիրում, գիֆե՜րը, գիֆե՜րը, բոլոր գիֆե՜րը»: Վերջին ժամանակներում սա ամենաակտուալն է ֆեյսբուքի համար, ստացողներով կերգեինք :))։

- Ֆեյսբուքյան սերեր ունե՞ք։ Էն որ իրենց էջի հյուրն եք, երբեմն նաև թաքուն, որ չիմանան։

- Անհնարին չթվա, բայց՝ ոչ: Սիրելի մարդիկ շատ կան, հատուկ մեկը՝ ոչ: Բոլորին բաց եմ հետևում, նրանք հիմնականում նաև հարազատ մարդիկ են:

-Ամենատափակ գրառումը, որ երբևէ կարդացել եք Ֆեյսբուքում, կհիշե՞ք։

- Անկեղծ լինեմ, էլի. էնքան շատ են:

-Տղաների կողմից անտարբերության հաստատ չեք մատնվում, նամակներ էլ հաստստ ստանում եք։ Կհիշե՞ք ամենազավեշտալի նամակը , որը ստացել եք հակառակ սեռի ներկայացուցչի կողմից։

-Հինը դժվար թե հիշեմ, բայց վերջերս մի նամակ ստացա, որը իսկապես զավեշտալի էր. մարդը 4-5 էջ գրել էր իր մասին, ներկայացել ինչպես կարգն է, սովորածը, գիտական կոչումը, աշխատանքը, մինչև անգամ քաղաքական հայացքները: Ուզում էր ուղղակի շփվել: Գուցե ցինիզմն է խոսում հիմա, բայց զավեշտալի է նման ծավալուն նամակ ուղարկելը շփման նպատակով:

-Ի՞նչը կփոխեիք ֆեյսբուքում։ Էն որ ամենաշատն է ներվայնացնում։

-Ֆեյսբուքը միայն որպես աշխատանքային գործիք է երբեմն ներվայնացնում: Կարելի էր որոշ բաներ փոխել՝ հնարավորության դեպքում:

-Սոցիալական ցանցերը մեզանից շատ ժամանակ են խլում։ Որքա՞ն ժամանակ եք անցկացնում ՖԲ-ում ու կուզեիք այդ ժամանակը կրճատել։

- Ոչ վիրուսային ընթացքի ժամանակ էստեղ լինում եմ հիմնականում ուշ երեկոյան, իսկ օրվա մեջ շատ ավելի քիչ է ժամանակ մնում ֆեյսբուքին: Կարճ ժամանակով գալիս ու գնում եմ: Եվ, եթե խանգարի որևէ առումով, ապա պարզապես չեմ գա, հատուկ կրճատումների խնդիր չունեմ: Վաղուց անցել է ֆեյսբուքյան կախվածությանս տարիքը:

-Ֆեյսբուքյան Ալեն Դելոնն ո՞վ է Հասմիկի համար))

- (Էս հարցը կարդալիս անկեղծորեն ծիծաղել եմ): Չկա նման մարդ, Ալեն Դելոն կոչելու նախապայմանները շատ են, ախր):

-Ֆեյսբուքը գիրք է, որի հեղինակը Դուք եք։ Վերնագրեք այն ու նշեք, թե ինչ տողով կավարտեիք։

- Այս պահին ֆեյսբուքը կարելի է Չարենցով նկարագրել. ամբոխները խելագարված: Սրանից ավելի հանճարեղ բնականաբար չեմ կարող լինել:

-Տոնական գիֆեր, մեծացրեք երեխայիս նկարը լայքեք, ֆաբերլիկին միացեք...
Ինչպիսի՞ նամակներն են Ձեզ հունից հանում։

-Ֆեյսբուքում ինձ վաղուց արդեն ոչինչ հունից չի հանում: Համակերպվել եմ այն մտքի հետ, որ եթե սոցիալական հարթակում ես, ուրեմն պիտի հանդիպես մարդկանց բոլոր խմբերին: Հակառակը՝ հումորվ եմ պայքարում դրանց դեմ:

-Եթե որոշեք վերջնականապես ջնջվել ՖԲ-ից, ի՞նչը կարող է դրա պատճառը լինել ու ինչը կստիպի կրկին հետ գալ այստեղ։

- Եթե էստեղ անհետ կորեն այն մարդիկ, ովքեր արժեքավոր ասելիք ունեն՝ երևի ես էլ կգնամ: Բայց գնալուց հետո գալու մասին մտածելը բարդ է:

Շարքը՝ Անյուտա Աթանեսյանի

Այս թեմայով Նամուսով ֆեյսբուքահայուհին պետք է լինի առանց կրծքերի. «Ցանցահենը»՝ գայ անե Առաջին անգամ Ֆեյսբուքում ընկերներիցս մեկի պատին էի հենց գրել, թե ոնց է. «Ցանցահենը»՝ Ռոբերտ Մուրադյան (Rob Style) «Գիտեմ, որ քուրդ պատգամավոր ա, կարողա միջնորդեիր ծանոթանայինք հետը». «Ցանցահեն»-ը՝ Ալիս Շարաֆյան Զանգել էին հեռախոսիս և Զում հավելվածով հեշտոցի ներզննում էին ցանկանում անցնել. «Ցանցահենը»՝ Անդրոնիս Ղարիբյան Ամենատխուր նամակը, որ ստացել եմ. «Յուր, քուրիկդ պահածդ նուտելլան գտել ու սաղ կերել ա». «Ցանցահենը»՝ Յուրա Սուքիասյան