Եղել են դեպքեր, որ Հայաստանում կորոնավիրուսով հաստատված դեպքերի հետ կոնտակտավորները թաքնվել են բժիշկներից

Քանի նման դեպք է եղել, չեմ կարող ասել, բայց դեպքեր եղել են: Այս մասին այսօր հրավիրված ասուլիսի ժամանակ ասաց Շտապ օգնության ծառայության տնօրեն Թագուհի Ստեփանյանը՝ անդրադառնալով այն հարցին՝ արդյոք եղե՞լ են կոնտակտավոր քաղաքացիներ, ովքեր թաքնվել են բժիշկներից:

«Ուղղակի զարմանում եմ, թե ինչու են թաքնվում, որովհետև անպայման նման հիվանդները պետք է լինեն հսկողության տակ և պետք է գիտակցեն, որ իրենք էլ են վտանգավոր իրենց կողքի մարդկանց համար, պետք է մարդիկ ամեն ինչին գիտակցաբար վերաբերվեն»,- ասաց Ստեփանյանը:

Անդրադառնալով հարցին՝ արդյոք շտապ օգնությունը կիրառելու է նոր ձեռք բերվելիք կորոնավիրուսի ախտորոշման համար նախատեսված արագ թեստերը՝ Ստեփանյանն ասաց. «Լավ կլիներ, որ կիրառեինք, այս պահին չունենք այդ ռապիդ թեստերը, եթե ձեռք բերվեն և մենք էլ կիրառենք, դրանք շատ կթեթևացնեն մեր աշխատանքը և ծանրաբեռնվածությունը ինֆեկցիոն հիվանդանոցի վրա արդեն կպակասի»:

Այս թեմայով Հաստատվել է կորոնավիրուսային հիվանդության 92 նոր դեպք. ունենք 149 առողջացած և 1 մահվան դեպք Մինչև 1 տարեկան երեխաների համար երկիր մուտք գործելիս ՊՇՌ թեստավորման պահանջը հանվել է Հայաստանում հաստատվել է կորոնավիրուսով վարակվելու 282 նոր դեպք, մահացել է 13 մարդ Ինչպես է որոշվում, թե քաղաքացիները կորոնավիրուսի դեմ որ պատվաստանյութով են պատվաստվում Հաստատվել է կորոնավիրուսային հիվանդության 267 նոր դեպք. ունենք 674 առողջացած և 19 մահվան դեպք