Ովքե՞ր են ՊՎԾ բարձրաստիճան պաշտոնյաները. ՊՎԾ պետի աշխատակազմը

ArmDaily.am-ը շարունակում է «Աշխատակազմ» շարքի շրջանակներում ներկայացնել տարբեր գերատեսչությունների ղեկավարներին և նրանց աշխատակազմը։
Այս անգամ ներկայացնում ենք Պետական վերահսկողական ծառայության պետի աշխատակազմը։ 

Պետական վերահսկողական ծառայության գործունեության նպատակը Հայաստանի Հանրապետության վարչապետին Հայաստանի Հանրապետության Սահմանադրության և օրենքներով վերապահված վերահսկողական լիազորությունների իրականացումն ապահովելն է:

ՀՀ պետական վերահսկողական ծառայության ղեկավարը Դավիթ Սանասարյանն է։ Սակայն նրա լիազորությունները ժամանակավորապես կասեցված են։ 

Ղեկավարի 3 տեղակալներն են՝ Ռաֆայել Զաքարյանը, Արգիշտի Քյարամյանը և Ալբերտ Աբգարյանը։ 

ՊՎԾ պետի պարտականությունները ժամանակավորապես կատարում է Արգիշտի Քյարամյանը։

Գլխավոր քարտուղարը Անի Բաղդասարյանն է, Գլխավոր քարտուղարի տեղակալ Կարեն Մարգարյանը։ 

ՊՎԾ պետի խորհրդականը Ռոման Ալավերդյանն է, իսկ օգնականը՝ Սեդա Աղբալյանը։

ՊՎԾ-ում գործում է 7 վարչություն և 7 բաժին։

Հիշեցնենք, Դավիթ Սանասարյանին մեղադրանք է առաջադրվել այն բանի համար, որ նա հանդիսանալով ՀՀ պետական վերահսկողական ծառայության ղեկավար, ունենալով ծառայության անմիջական ղեկավարումն իրականացնելու, ծառայության աշխատակիցներին նշանակելու և ազատելու, կարգապահական տույժի ենթարկելու, վերահսկվող օբյեկտներում ուսումնասիրություններ իրականացնելու հանձնարարագրեր տալու, վերահսկվող օբյեկտներից ծառայության գործառույթներին առնչվող տեղեկություններ և փաստաթղթեր պահանջելու լիազորություններ, խմբային շահերից ելնելով, իր պաշտոնեական դիրքն օգտագործել է ծառայության շահերին հակառակ, ինչպես նաև չի կատարել իր ծառայողական պարտականությունները:

Նրան մեղադրանք է առաջադրվել ՀՀ ՔՕ-ի 308-րդ հոդվածի 1-ին մասի հատկանիշներով՝ պաշտոնական լիազորությունները չարաշահելը, որն էական վնաս է պատճառել անձանց, կազմակերպությունների իրավունքներին ու օրինական շահերին:

Այս թեմայով Ինչ կառուցվածք ունի ԼՂՀ նախագահ Արայիկ Հարությունյանի աշխատակազմը Ովքե՞ր են Արմավիրի մարզպետարանի բարձրաստիճան պաշտոնյաները. Համբարձում Մաթևոսյանի աշխատակազմը Ովքե՞ր են Սյունիքի մարզպետարանի բարձրաստիճան պաշտոնյաները. Հունան Պողոսյանի աշխատակազմը Ովքե՞ր են Լոռու մարզպետարանի բարձրաստիճան պաշտոնյաները. Անդրեյ Ղուկասյանի աշխատակազմը Ովքե՞ր են Կոտայքի մարզպետարանի բարձրաստիճան պաշտոնյաները. Ռոմանոս Պետրոսյանի աշխատակազմը