Ի դեպ. Լավագուն մարզիկների պարգեւատրման եւ հայկական սպորտում հասունացող սկանդալի մասին

Ի դեպ, այսօր մայրաքաղաքում տեղի ունեցավ Հայաստանի 2019 թվականի 10 լավագույն մարզիկների պարգևատրման արարողությունը: Արարողությանը մասնակցում էր վարչապետ Նիկոլ Փաշինյանը։ Վարչապետն ասաց, որ մեր մարզիկների հաջողություններն ազգային ու պետական երկջանկության դրսեւորումներ են, համոզմունք հայտնելով, որ մարզիկներից յուրաքանչյուրը գիտի, թե Հայաստանում մարդիկ ինչպիսի հուզմունք են ապրում, երբ մեր մարզիկների հաղթանակների շնորհիվ բարձրանում է հայոց պետական դրոշը, և հնչում է հայոց պետական հիմնը: Նիկոլ Փաշինյանը հիշեցրեց, որ մշակվում է Հայաստանի մինչև 2050 թ. զարգացման ռազմավարությունը և այդ զարգացման տեսլականի մեջ, արձանագրելով մեր ազգային և պետական նպատակը, առանձնահատուկ տեղ է տրվում սպորտին՝ մինչև 2050 թ. ունենալ առնվազն 25 օլիմպիական ոսկե մեդալ:

Անկախ նրանից, թե ինչքանով է իրատեսական օլիմպիական 25 մեդալի բնագիծը, սպորտի նկատմամբ նման վերաբերմունքն ու նման տեսլականը շատ դրական ու ոգեւորիչ են հենց մարզիկների համար։ Ափսփս, որ այս տոնական տրամադրությանը զուգահեռ, Տոկիոյում կայանալիք Օլիմպիական խաղերին ընդառաջ, հայկական սպորտում հասունանում է հերթական սկանդալը։ Պատճառը Հայաստանի ընբշամարտի ֆեդերացիայի որոշումն է այն մասին, որ Տոկիոյի Օլիմպիական խաղերում Հայաստանը կներկայացնի Կարապետ Չալյանը։ Այս որոշմանը շատ սուր արձագանքեց մեկ այլ ճանաչված, վաստակաշատ ըմբիշ, այժմ նաեւ ԱԺ պատգամավոր Արսեն Ջուլֆալակյանը։ Նա ֆեդերացիայի որոշումը համարեց ապօրինի, հակասպորտային ու ոչ պրոֆեսիոնալ։ Ջուլֆալակնաի խոսքով ամբողջ աշխարհում չկա նման պրակտիկա, երբ մի քաշային կարգում մրցում են երկու ուժեղ մարզիկ և նրանցից մեկին ուղղակի չի տրվում խաղերի համար պայքարելու իրավունք։ Հավաքականի մարզիչներըն էլ իրենց հիմնավորումն ունեն։

Ըստ այդմ, Օլիմպիական խաղերի մասնակցի հարցը որոշվելու էր հունվարին Նիցայում տեղի ունեցած վարկանիշային մրցաշարում, որին պետք է մասնակցեին Կարապետ Չալյանը եւ Արսեն Ջուլֆալակյանը: Ըստ արդյունքների էլ պարզ էր լինելու, թե ով իրավունք կստանա մեկնելու Տոկիո: Բայց Արսեն Ջուլֆալակյանը հրաժարվել է Նիցայի մրցաշարից: Մարզչական խորհուրդն էլ որոշել է նախապատվությունը տալ Կարապե Չալյանին։ Արսեն Ջուլֆալակյանի շուրջ ստեղծված իրավիճակը գուցե այսքան աղմկահարույց չլիներ, եթե չլինեին նախընթաց զարգացումները։ Հիշեցնեմ Արսեն Ջուլֆալակյանը հունահռոմեական ոճի ըմբշամարտի Հայաստանի հավաքականի նախկին գլխավոր մարզիչ, օլիմպիական չեմպիոն Լևոն Ջուլֆալակյանի որդին է։

Լեւոն Ջուլֆալակյանը հրաժարական տվեց իր պաշտոնից անցյալ տարի օգոստոսին, հավաքականում տեղ գտած սուր տարաձայնությունների պատճառով։ Սա ի դեպ. Արդյոք ֆեդերացիայի որոշումը կմնա ուժի մեջ, թե կվերանայվի, դժվար է ասել։ Ամենավերջին տարբերակը թերեւս որոշիչ մրցաշարի կազմակերպումն է։