Դատավորի ներկայիս վարձատրության չափը թույլ չի տալիս օգտվել բրենդային հագուստներից. բլից հարցազրույց դատավոր Լիանա Հակոբյանի հետ

Դատավորի ներկայիս վարձատրության չափը թույլ չի տալիս օգտվել բրենդային հագուստներից. բլից հարցազրույց դատավոր Լիանա Հակոբյանի հետ

ArmDaily.am-ը «Խորհրդակցական սենյակում» շարքի շրջանակներում շարունակում է բացահայտել դատավորներին։ Այս անգամ մեր բլից հարցերին պատասխանել է Վարչական դատարանի դատավոր Լիանա Հակոբյանը։

Մանկության չիրականացած և իրականացած երազանքը։
-Նախընտրում եմ չերազել. ամեն ինչ Աստծո նախախնամությամբ է:

Երկրպագուներ:
-Երկրպագուներ ունեմ...։ Դրանք այն քաղաքացիներն են /տարիներ շարունակ արդարություն որոնող ծեր տատիկներ, կենսաթոշակառուներ, հաշմանդամներ/, ովքեր դատարանից հեռանում են արդարադատության նկատմամբ վստահությունն ու հարգանքը ամրապնդված:

Իսկական տղամարդը:
-Հայ ավանդական ընտանիքում իր դիրքը, դերն ու պատասխանատվությունը գիտակցող ու անտրտունջ կրող տղամարդն է: Տղամարդու մեջ շատ եմ կարևորում նաև հումորի զգացումը. հումորի մեծ զգացումը բացառում է մի շարք բացասական հատկանիշներ ու երևույթներ:

Խենթություններ Ձեզ համար արված կամ Ձեր կողմից արված։                                       -Հաճելի է , երբ քեզ համար ինչ-որ մեկն ընդունակ է խենթություններ անել: Ցավոք, այդ զգացումը դեռևս չեմ ապրել:

Ո՞ր դեպքում հրաժարական կտաք ու ինչո՞ւ։                                                                      -Դատավորի առաքելությունը պահանջում է առավելագույն նվիրում ու էնտուզիազմ: Հրաժարական կտամ, երբ զգամ, որ այս հատկանիշներն այլևս բացակայում են ու անկարող եմ նույն եռանդով աշխատել:

Լիանա Հակոբյանը՝ խոհանոցում, ի՞նչ եք սիրում պատրաստել, ինչ չեք կարող պատրաստել։                                                                                                                      -Մորս շնորհիվ և աշխատանքային ծանրաբեռնվածության պատճառով խոհանոցում հաճախ չեմ լինում: Չնայած դրան, ընտանիքիս անդամները միշտ գոհ են իմ պատրաստածից, ու գտել են իմ պատրաստածի համի գաղտնիքը. «Մա՛մ, համեղ է, որովհետև պատրաստել ես մեր համար ու պատրաստել ես սիրով»։

Դեպրեսիան հաղթահարելու լավագույն միջոցը՝ շոփինգ, շոկոլադ, կարաոկե...։
-Շոփինգ:

Ամենաթանկ նվերը, որը ստացել եք։
-Աստվածային ամենաթանկ ընծաները՝ երկու որդիներս:

Նախընտրելի բրենդներ։ Ձեր զգեստապահարանը։
-Բավականին համեստ և զուսպ զգեստապահարան: Դատավորի ներկայիս վարձատրության չափը թույլ չի տալիս օգտվել բրենդային հագուստներից:

Օրվա հարցը՝ ինչ հագնել...։
-Այս հարցի վրա երբեք չեմ կենտրոնանում. միայն թե հագուստը լինի հարմարավետ և իմ ոճին համապատասխան:

Ուրիշի անունով գրանցած գույք ունե՞ք։
-Իմ ու ընտանիքիս անդամների ունեցած գույքի պարագայում, կարծում եմ, դեռ ուրիշները կարող են իմ անունով իրենց գույքը գրանցել:

Ճակատագիր կա՞, թե մարդը ինքն է որոշում ինչպես ապրել: Ձեր դեպքում ինչպե՞ս էր:
-Ճակատագիր և՛ կա, և՛ չկա: Երբեմն երբ վերլուծում ես անցածդ ուղին, թվում է, թե եղել են դիպվածներ, զարգացումներ, որոնք ցանկացած պարագայում, անկախ քո ջանքերից ու միջամտությունից, միևնույն է լինելու էին:

7 ածականով բնութագրեք ձեզ։
-Աշխատասեր, խստապահանջ, կարգապահ, պարտաճանաչ ու այս բառերի հոմանիշներ. մի խոսքով՝ հարևանիս որակմամբ՝ <գերազանցիկ>:

Ընկերուհիներ ունե՞ք։
-Երեխաներս նեղսրտում են, երբ իրենց հատկացվող առանց այն էլ սուղ ժամանակից կարող եմ ծախսել ընկերների/ընկերուհիների հետ հանդիպելով, զրուցելով: Ուստի, նախընտրում եմ ընկերական շփումներիս մեջ ակտիվ չլինել:

Աննա Կարենինա, թե Մոխրոտիկ, գուցե Ձյունանուշ...ո՞ւմ եք ձեզ նմանեցնում։
-Եթե ընտրությունը պետք է կատարել այս երեքի միջև, ապա քանի որ ո՛չ Աննա Կարենինա, ո՛չ Ձյունանուշ, ուրեմն՝ Մոխրոտիկ:

Ձեր կյանքի հեքիաթը:
-Դեռևս չունեմ:

Ինչո՞վ եք դուք տարբերվում մյուս կանանցից և դատավորներից։
-Հարցրեք ամուսնուս...

Բամբասանք ձեր մասին։ Հարևանները ինչ են ասում։
-Ինձ շրջապատող հարևանների, ընկերական միջավայրի առումով բախտս բերել է. երբեք չեն չարախոսել կամ բամբասել /միգուցե առիթ չեմ տվել/, ընդհակառակն, միշտ փորձել են օգտակար լինել և աջակցել:

Ամենաշատը ի՞նչ թեմաներով եք ստիպված լինում սուտ ասել կամ խաբել ինչ-որ մեկին:
-Իմաստուն տատիկ ունեի: Նրա թևավոր խոսքերը հաճախ եմ հիշում: Ասում էր. «Սուտ կա, տուն է շինում»: Այսինքն՝ եթե սուտը տվյալ պահին փրկության միջոց է, ասվում է բարի նպատակով, ապա երբեմն կարելի է դիմել այդ հնարքին: Այս հնարքին երբեմն «զոհ» են դառնում որդիներս:

Երբևէ ամաչե՞լ եք ինչ-որ ձեր արածի կամ ասածի համար:
-Ամաչելը խիստ է ասված. երբեմն պարզապես ափսոսում եմ ավել ասված խոսքերի համար:

Առավելություններ եւ թերություններ:
-Կարող է տարօրինակ հնչել, բայց թերությունս եմ համարում խորամանկության և եսասիրության ի սպառ բացակայությունը: Դրանց առկայության դեպքում ավելի հեշտ կլիներ ապրել: Առավելություններիս մասին կնախընտրեմ լռել:

Անկեղծ ասած ...։
-Այս հարցին կպատասխանեի Մեծն Սևակի «Անկեղծ ասած» հանճարեղ բանաստեղծության խոսքերով:

Ու՞մ եք սիրում:
-Բոլոր բարին կամեցող և բարին արարող մարդկանց:

Ումի՞ց եք դժգոհ:
-Ագահ, անազնիվ ու մեծամիտ մարդկանցից:

Երբ զայրանում եք։
-Ջանում եմ ափերից դուրս չգալ:

Երբ զարմանում եք։
-Պարզապես զարմանում եմ:

Դեր, որ երբեք չեք խաղա:
-Անսիրտ ու դաժան մոր դեր:

Հիասթափվում և հուսահատվում եք...։
-Հիասթափվում, սակայն չեմ հուսահատվում: Աշխատում եմ սաղմնային վիճակում կանխել հուսահատությունը՝ խուսափելով դրա բոլոր տհաճ ու բացասական հետևանքներից:

Հավատու՞մ եք։
-Առանց հավատի հնարավոր չէ ապրել:

Ֆոբիաներ:
-Մշտապես մտատանջում է այն միտքը, որ Աստված մի արասցե, չկարողանամ երեխաներիս դաստիարակել որպես Հայաստանի Հանրապետությանը պիտանի հայորդիներ:

Հոգսեր:
-Հոգսերս թվարկելու դեպքում կարող է հոգնեցնեմ ընթերցողին:

Արտասվում եք, երբ...։
-Արցունքները կյանքի դժվար պահերին լավագույն դեղամիջոցն են:

Երբևէ ձեր սուրճի բաժակը նայե՞լ են, գուշակների այցելե՞լ եք:
-Հավատում եմ միայն Աստծուն և իմ ուժերին:

Ընտանիքում վիճաբանությունները ինչ թեմաներո՞վ են, աղբը թափել, առեւտուր անել, ուտելիք սարքել, վերնաշապիկ արդուկել...։
-Եթե դատավորի ընտանիքում էլ պետք է վիճաբանություններ լինեն, այն էլ կենցաղային թեմաներով, ուրեմն ...Այլոց միջև վեճ լուծողը, կարծում եմ, պետք է ի զուրու լինի կանխել վեճերն իր ընտանիքում:

Կյանքն առանց սոցիալական ցանցերի։
-Սոցիալական ցանցերն իմ կյանքում շատ քիչ տեղ են զբաղեցնում: Ընդհանրապես, դատավորը պետք է ձեռնպահ մնա սոցիալական կայքերում ակտիվ դրսևորումներից:

Եթե հանդիպեիք Աստծուն, ինչ կհարցնեիք...:
-Ինչո՞ւ են մարդիկ անժամանակ հեռանում կյանքից:

Այդքան դատում եք, գիշերը հանգի՞ստ եք քնում։
-Արդար դատելու դեպքում ինչո՞ւ պետք է քնի խանգարում լինի:

Զանգ ԲԴԽ-ից:
-Առիթ չի եղել:

Խորհրդակցական սենյակում։
-Միայն թե վեճի լուծումն արդար լինի:

Հարց շարքի հաջորդ մասնակցին
-Ի՞նչը կստիպեր հեռանալ հայրենիքից:

Ձմեռ պապիկին նամակ գրել եք, ի՞նչ եք խնդրել։
-Խաղաղություն, խաղաղություն և միայն խաղաղություն հայոց աշխարհին:                 

Մեր շարքի նախորդ մասնակիցը՝ Ռուբիկ Մխիթարյանը, Ձեզ հարցնում է՝ փորձառու իրավաբանի համար դատավորի աշխատանքի հետ անհամեմատելի քիչ պատասխանատվությամբ և մի քանի անգամ ավել վարձատրվող աշխատանքների առկայության պայմաններում Ձեզ ի՞նչն է մոտիվացնում նախապատվությունը տալ դատավորի աշխատանքին։                                                                                                -Արդարադատություն իրականացնելու գործառույթը։

«Խորհրդակցական սենյակում» շարքին մասնակցել են
Ալեքսանդր Ազարյանը 
Գագիկ Հովհաննիսյանը
Քրիստինե Մկոյանը  
Գեւորգ Նարինյանը  
Անի Հարությունյանը  
Սուրեն Մնոյանը  
Ռաֆիկ Խանդանյանը  
Ստեփան Միքայելյանը  
Դավիթ Հարությունյանը  
Արսեն Նիկողոսյանը  
Արման Օհանյանը  
Աննա Փիլոսյանը  
Հովսեփ Բեդեւյանը  
Դավիթ Բալայանը  
Վահե Խալաթյանը  
Տիգրան Փոլադյանը  
Լիլիթ Սարգսյանը  
Լիլիթ Կատվալյանը  
Հովհաննես Ավագյանը  
Ռուբեն Վարդազարյանը  
Ելիզավետա Դանիելյանը  
Նախշուն Տավարացյանը  
Կարեն Մաթեւոսյանը  
Արթուր Աթաբեկյանը  
Կարինե Բաղդասարյանը  
Դավիթ Գրիգորյանը  
Լիզա Գրիգորյանը   
Արշակ Վարդանյանը  
Սիմիզար Հովսեփյանը  
Գրիգոր Առաքելյանը  
Երեմ Եսոյանը  
Սիմա Իսկանդարյանը  
Մարինե Մելքոնյանը  
Սարգիս Երիցյանը  
Նարինե Հովակիմյանը   
Միքայել Մելքումյանը  
Ռուզաննա Ազրոյանը  
Ռուզաննա Հակոբյանը  
Արթուր Ավագյանը   
Ռուբեն Ափինյանը  
Գոռ Թորոսյանը  
Ռուբիկ Մխիթարյանը  
Շարքը՝ Ինգա Մարտինյանի 

Այս թեմայով «Ռոմեո և Ջուլիետա» ներկայացման Ռոմեոյի դերը չէի խաղա, չեն էլ առաջարկում. բլից հարցազրույց դատավոր Զարուհի Նախշքարյանի հետ Ամենառոմանտիկ օրը՝ սիրո առաջարկությանս հաստատումն ստանալու օրը. Բլից հարցազրույց Սերգեյ Չիչոյանի հետ Ինձ մեղավոր եմ զգում եղբորս հանդեպ, ով իմ փոխարեն հայրական ապտակ ստացավ. Բլից հարցազրույց դատավոր Ռուբիկ Մխիթարյանի հետ Ես ընկերներ ձեռք չեմ բերել, որ հիասթափվեմ. Բլից հարցազրույց դատավոր Գոռ Թորոսյանի հետ Սիրում էի մեկին ու պահում, կորցրեցի. բլից հարցազրույց դատավոր Ռուբեն Ափինյանի հետ