Սիրում էի մեկին ու պահում, կորցրեցի. բլից հարցազրույց դատավոր Ռուբեն Ափինյանի հետ

ArmDaily.am-ը «Խորհրդակցական սենյակում» շարքի շրջանակներում շարունակում է բացահայտել դատավորներին։ Այս անգամ մեր բլից հարցերին պատասխանել է Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Ռուբեն Ափինյանը։

Ինչո՞ւ տիեզերագնաց չդարձաք։
-Հայրենիքից չկտրվելու պատճառով։

Պատռված տաբատ, մեծ եղբոր հագուստը հագնել,
ճաշարանի գումար ուզել...նորմալ մանկությո՞ւն եք ունեցել։
-Ավագը ես էի։

Հայրական խրատ։
-Ուզում ես մարդ դառնաս, սովորի։

Ամեն օր դատում եք, գիշերը հանգի՞ստ եք քնում։
-Վեճեր եմ լուծում։

Հարեւանները ի՞նչ են ասում։
-Ո՞ր գործով։

Ե՞րբ են գտնելու X-ը։
-Իրանք գիտեն։

Սեռական փոքրամասնություններին ինչպե՞ս եք վերաբերում։
-Հանդուրժողականությամբ։

Առաջին համբույր...
-Հետագա համբուրներից առանձնապես չի տարբերվում։

Սաունա, թե գիշերային ակումբ...
-Սկզբից սաունա։

Սերենադ երգե՞լ եք։
-Ես անսլուխ եմ։

Խարույկ, կիթառ...եւ ով...։
-Ռոմանտիկ չեմ։

Գոգեն, Մարտիրոս Սարյան թե Կանդինսկի։
-Պլյուս Վան Գոգ, Սեզանն, Մինաս, Միկո (Микеланджело), Ռեմբռանդտ և այլոք: Ինքս էլ մի թեթեւ նկարում եմ։

Սիրելի կերակուր։ Ձվաձեղից բացի՝ ինչ կարող եք պատրաստել։
-Պամիդորով ձվաձեղ։

Քանի ծխախոտ օրական։
-Ասիլ չեմ (հայրս Լոռուց ա)։

Վիսկի, թթի օղի, թե թան...։
-Վիսկի, թթի ու այլ որակյալ օղի, թան՝ առավոտյան։

Ուրիշի անունով գրանցած գույք ունե՞ք։
-Չունեմ, չեսսլով։

Տանը վկա եք, մեղադրող թե ամբաստանյալ։
-Սիրող եմ։

Ո՞ւմ ինքնաբացարկ կհայտնեիք։
-Ո՞ր գործով կոնկրետ։

Ակամայից ստացած կաշառք։
-Չկա։

Ոսկե ձկնիկ թե կախարդական փայտիկ։
-Տարբերություն չեմ տեսնում։

Ինչքան փող է ձեզ պետք...։
-Այնքան, որ հանգիստ զբաղվեմ իմ սիրած գործերով։

Ձեր երջանկությունը։
-Անսահման է։

Լավագույն քաղաքական գործիչը։
-Չերչիլ։

Ձեզ կինոյի, գրքի ո՞ր հերոսինն եք նմանեցնում։
-Ես անկրկնելի եմ։

Կյանքի իմաստը։
-Լիքը իմաստներ կան։

Իսկական տղամարդը չի ծխում, չի խմում, «լեվի» չի գնում, չի վիճում եւ պարզապես գոյություն չունի: Ի՞նչ կասեք:
-Այդպիսինը մարդ չի, ինչ թե տղամարդ։

Ինչի՞ համար եք զղջում։
-Ոչ մի բանի։

Ո՞ւմ եք սիրում։
-Ջուլիային։

Ու՞մից եք դժգոհ։
-Բոլորին թվեարկեմ։

Երբ զայրանում եւ զարմանում եք։
-Խորը շունչ եմ քաշում ու հիշում իմաստուններին։

Ասում են, թե տղամարդը երգում է 3 դեպքում` երբ ամեն ինչ վատ է` տխրությունից, երբ ամեն ինչ լավ է` ուրախությունից և երբ ամեն ինչ նորմալ է` ուղղակի ձանձրույթից: Դուք վերջին անգամ ե՞րբ եք երգել եւ ի՞նչ առիթով:
-Կրկնում եմ. ես անսլուխ եմ։

Դեր, որ երբեք չէիք խաղա։
-Ձեր նկարագրած չխմող ու այլ վատ բաներ չանողի։

Հիասթափվում եւ հուսահատվում եք...։
-Այդ ամենը կանացի հատկություններ են։

Վախենո՞ւմ եք վեթինգից։
-Էտ ի՞նչ է։

Հավատո՞ւմ եք իշխանություններին։
-Հավատում եմ Աստծուն, իսկ իշխանություններին ընդամենը վստահում են:

Հոգսեր։
-Ինչպես բոլորինը։

Չիրականացած երազանք։
-Չունեմ։

Թուլություններ, թերություններ։
-Թերի եմ, բայց թույլ չեմ։

Զանգ ԲԴԽ-ից։
-Բարև ձեզ, ինչպե՞ս եք։

Խորհրդակցական սենյակում։
-Խորհրդակցում եմ։

Սպորտը ձեր կյանքում թե առողջ ապրելակերպը սահմանափակվում է ֆասթֆուդով ՃՃ։
-Սպորտ՝ ԱՅՈ, ֆասթֆուդ ՝ ՈՉ։

Սիրելի կենդանի ունեք, պահում եք։
-Սիրում էի մեկին ու պահում... Կորցրեցի...։

Լրագրողի հետ ապրելը հե՞շտ է, թե՞... ։
-Թե...։

Վերջին լսած ամենալավ անեկդոտը։
-Կաթոլիկը, բողոքականը, մահմեդականը ու հրեան նստած են սեղանի շուրջ:
«Ես մեծ հարստություն ունեմ, - ասում է կաթոլիկը, - Մտածում եմ Citibank-ը գնել»։
«Ես շատ հարուստ եմ, ուզում եմ General Motors- ը գնել»,- ասում է բողոքականը: «Իմ հարստությունը հեքիաթային է, մտադիր եմ Microsoft- ը ձեռք բերել», - շարունակում է մահմեդականը:
Հետո բոլորը սպասում են, թե ինչ կասի հրեան: Վերջինս հանում է սուրճից գդալը, զգուշորեն այն դնում սեղանին, մի կում անում, նայում բոլորին: «Ես չեմ վաճառում», ասում է նա: 

Մեր շարքի նախորդ մասնակիցը՝ Արթուր Ավագյանը, Ձեզ հարցնում է՝ ոստիկաններին եք սիրում, թե փրկարարներին։
-Տարբերություն չկա, փրկարարն էլ, ոստիկանն էլ, երկուսն էլ փրկում են։

Հարց շարքի հաջորդ անդամին։                                                                                          -Գերադասում եմ բանը հարցի չհասցնել։

«Խորհրդակցական սենյակում» շարքին մասնակցել են
Ալեքսանդր Ազարյանը  
Գագիկ Հովհաննիսյանը  
Քրիստինե Մկոյանը  
Գեւորգ Նարինյանը  
Անի Հարությունյանը  
Սուրեն Մնոյանը  
Ռաֆիկ Խանդանյանը  
Ստեփան Միքայելյանը  
Դավիթ Հարությունյանը  
Արսեն Նիկողոսյանը  
Արման Օհանյանը  
Աննա Փիլոսյանը  
Հովսեփ Բեդեւյանը  
Դավիթ Բալայանը  
Վահե Խալաթյանը  
Տիգրան Փոլադյանը  
Լիլիթ Սարգսյանը  
Լիլիթ Կատվալյանը  
Հովհաննես Ավագյանը  
Ռուբեն Վարդազարյանը  
Ելիզավետա Դանիելյանը  
Նախշուն Տավարացյանը  
Կարեն Մաթեւոսյանը  
Արթուր Աթաբեկյանը  
Կարինե Բաղդասարյանը  
Դավիթ Գրիգորյանը  
Լիզա Գրիգորյանը  
Արշակ Վարդանյանը  
Սիմիզար Հովսեփյանը  
Գրիգոր Առաքելյանը  
Երեմ Եսոյանը  
Սիմա Իսկանդարյանը  
Մարինե Մելքոնյանը  
Սարգիս Երիցյանը  
Նարինե Հովակիմյանը  
Միքայել Մելքումյանը  
Ռուզաննա Ազրոյանը  
Ռուզաննա Հակոբյանը  
Արթուր Ավագյանը  

Շարքը՝ Ինգա Մարտինյանի:

Այս թեմայով «Ռոմեո և Ջուլիետա» ներկայացման Ռոմեոյի դերը չէի խաղա, չեն էլ առաջարկում. բլից հարցազրույց դատավոր Զարուհի Նախշքարյանի հետ Ամենառոմանտիկ օրը՝ սիրո առաջարկությանս հաստատումն ստանալու օրը. Բլից հարցազրույց Սերգեյ Չիչոյանի հետ Դատավորի ներկայիս վարձատրության չափը թույլ չի տալիս օգտվել բրենդային հագուստներից. բլից հարցազրույց դատավոր Լիանա Հակոբյանի հետ Ինձ մեղավոր եմ զգում եղբորս հանդեպ, ով իմ փոխարեն հայրական ապտակ ստացավ. Բլից հարցազրույց դատավոր Ռուբիկ Մխիթարյանի հետ Ես ընկերներ ձեռք չեմ բերել, որ հիասթափվեմ. Բլից հարցազրույց դատավոր Գոռ Թորոսյանի հետ