Զենք կկիրառեմ ընտանիքիս սպառնալիքի դեպքում. բլից հարցազրույց դատավոր Արթուր Ավագյանի հետ

ArmDaily.am-ը «Խորհրդակցական սենյակում» շարքի շրջանակներում շարունակում է բացահայտել դատավորներին։ Այս անգամ մեր բլից հարցերին պատասխանել է Վարչական դատարանի դատավոր Արթուր Ավագյանը։

Ինչո՞ւ տիեզերագնաց չդարձաք։
-Ճակատագիրն արդեն որոշել էր իմ մասնագիտությունը:

Պատռված տաբատ, մեծ եղբոր հագուստը հագնել, ճաշարանի գումար ուզել...նորմալ մանկությո՞ւն եք ունեցել։
-Ունեցել եմ երջանիկ մանկություն, որն անցել է ակնթարթի պես:

Ձեր կյանքի վերջին թարմ «բոլոլայի» մասին...(հիշեցնենք, որ Արթուր Ավագյանը նախորդ շաբաթ հայտնվել էր սկանդալի կենտրոնում, ըստ մամուլի տեղեկությունների՝ նա փակել է ԱԻՆ ծառայողների ճանապարհը, զենքը պահել վրաները)։
-Սադրում եք իհարկե, ամեն դեպքում աշխատում եմ զերծ լինել «բոլոլաներից»:

Ամեն օր դատում եք, գիշերը հանգի՞ստ եք քնում։
-Եթե գիշերվա քնի հանգիստ լինելը կապենք դատական գործերի հետ, ստիպված կլինեմ չքնել և անդադար մտորել:

Հարեւանները ի՞նչ են ասում։
-Նոր են հարևաններս, դեռ չեմ շփվել:

Ե՞րբ են գտնելու X-ը։
-Յուրաքանչյուր մարդ գտնում է իր X-ը։

Սեռական փոքրամասնություններին ինչպե՞ս եք վերաբերում։
-Հաջորդ հարցը ...։

Առաջին համբույր ...։
-Շատ վառ հիշում եմ առաջին համբույը կնոջս հետ:

Սաունա, թե գիշերային ակումբ...։
-Ընտանեկան միջավայր:

Սերենադ երգե՞լ եք։
-Իհարկե, ռոմանտիկան իրավաբաններին բնորոշ է:

Խարույկ, կիթառ...եւ ով...։
-Իհարկե կինս !!!

Գոգեն, Մարտիրոս Սարյան, թե Կանդիսկի։
-Մարտիրոս Սարյան

Ոստիկանների՞ն եք սիրում, թե՞ փրկարարներին...։
-Նախընտրելի է իրավապահների (այդ թվում` նաև դատավորների) և բժիշկների հետ շփվել միայն ընկերական միջավայրում, իսկ կյանքում` լինել հեռու:

Քանի ծխախոտ օրական։
-Չեմ ծխում, երբևէ չեմ ծխել:

Վիսկի, թթի օղի, թե...։
-Հաճելի երեկոյի համար` նախընտրելի է վիսկի:

Ատամհատիկին մո՞ւրճ եք վերցրել։
-Չեմ կարծում, իրավաբան դառնալու որոշումը կայացրել եմ ավարտական դասարանում:

Տանը վկա՞ եք, մեղադրո՞ղ, թե՞ ամբաստանյալ։
-Տանը մեծ ընտանիքում որդի, փոքր ընտանիքում ամուսին և հայր:

Ո՞ւմ ինքնաբացարկ կհայտնեիք։
-Գագիկ Սուրենյանին։

Ակամայից ստացած կաշառք։
-Գործընկերներիս կողմից տնական օղի, քյավառի փախլավա:

Ոսկե ձկնիկ, թե կախարդական փայտիկ։
-Քրտնաջան աշխատանք:

Ինչքան փող է ձեզ պետք...։
-Այնքան, որ բավարարի արժանապատիվ ապրելու և ապագա կառուցելու համար:

Ձեր երջանկությունը։
-Ընտանիքս:

Լավագույն քաղաքական գործիչը։
-Կուզենայի երկրումս բոլոր քաղաքական գործիչները լինեին լավագույնների շարքից:

Ձեզ կինոյի, գրքի ո՞ր հերոսին եք նմանեցնում։
-Уилл Смит «В погоне за счастьем»:

Ձեր զենքը...վերջին անգամ ե՞րբ եք կիրառել։
-Կկիրառեմ ընտանիքիս սպառնալիքի դեպքում:

Բամբասանք ձեր մասին։
-Կարևորն այն է, որ բամբասանքն իրականություն չի դառնա:

Ինչի՞ համար եք զղջում։
-Երևի թե ոչնչի:

Ո՞ւմ եք սիրում։
-Կնոջս, աղջկաս, ծնողներիս և այդպես շարունակ …

Ու՞մից եք դժգոհ։
-Դժգոհ չեմ, բայց հաճախ քննադատաբար եմ մոտենում ինքս ինձ:

Երբ զայրանում եւ զարմանում եք...։
-Զայրանում եմ հավասարակշված, համարյա չեմ զարմանում:

Դեր, որ երբեք չէիք խաղա։
-Դավաճանի դեր:

Հիասթափվում եւ հուսահատվում եք...։
-Կյանքը սովորեցրել է չհիասթափվել և չհուսահատվել:

Վախենո՞ւմ եք «ասֆալտին փռվելուց, պատերին ծեփվելուց, լանցետով վիրահատությունից»։
-Իրավունք չունեմ թուլություն ցուցաբերելու և վախենալու:

Հավատում եք Նիկոլ Փաշինյանի՞ն, թե՞ Արմեն Սարգսյանին։
-Հավատում եմ Հայաստանի Հանրապետության արժանապատիվ ապագային:

Ո՞ր դեպքում հրաժարական կտաք եւ ինչո՞ւ։
-Երբեք մի ասա երբեք, բայց չեմ պատրաստվում տարիներիս վաստակն անհիմն կորցնել:

Վեթինգ, թե ինքնավեթինգ...։
-Առիթ չունեմ խուսափելու ցանկացած իրավական գործընթացից:

Թուլություններ, թերություններ։
-Թուլությունս արդեն բալիկս է (աղջիկ), թերությունների մասով, արդեն նշեցի, քննադատաբար եմ մոտենում ինքս ինձ:

Զանգ ԲԴԽ-ից:
-Լավ առիթ լավ գործընկերներիս հետ շփվելու համար:

Խորհրդակցական սենյակում։
-Դատավորի համար ողջ կյանքը խորհրդակցական սենյակ է, անընդմեջ մտորում ես վարույթումդ գտնվող գործերի վերաբերյալ:

Հարց շարքի հաջորդ մասնակցին։
-Կրկնեք ինձ տրված 13-րդ հարցը (ոստիկաններին եք սիրում, թե փրկարարներին)։

Մեր շարքի նախորդ մասնակիցը՝ Ռուզաննա Հակոբյանը, Ձեզ հարցնում է՝ երբեւէ զղջաղել եք դատավոր դառնալու համար։
-Երբեւէ չեմ զղջացել։

«Խորհրդակցական սենյակում» շարքին մասնակցել են
Ալեքսանդր Ազարյանը  
Գագիկ Հովհաննիսյանը  
Քրիստինե Մկոյանը  
Գեւորգ Նարինյանը  
Անի Հարությունյանը  
Սուրեն Մնոյանը  
Ռաֆիկ Խանդանյանը  
Ստեփան Միքայելյանը  
Դավիթ Հարությունյանը  
Արսեն Նիկողոսյանը  
Արման Օհանյանը  
Աննա Փիլոսյանը  
Հովսեփ Բեդեւյանը  
Դավիթ Բալայանը  
Վահե Խալաթյանը  
Տիգրան Փոլադյանը  
Լիլիթ Սարգսյանը  
Լիլիթ Կատվալյանը  
Հովհաննես Ավագյանը  
Ռուբեն Վարդազարյանը  
Ելիզավետա Դանիելյանը  
Նախշուն Տավարացյանը  
Կարեն Մաթեւոսյանը  
Արթուր Աթաբեկյանը  
Կարինե Բաղդասարյանը  
Դավիթ Գրիգորյանը  
Լիզա Գրիգորյանը  
Արշակ Վարդանյանը  
Սիմիզար Հովսեփյանը  
Գրիգոր Առաքելյանը  
Երեմ Եսոյանը  
Սիմա Իսկանդարյանը  
Մարինե Մելքոնյանը 
Սարգիս Երիցյանը  
Նարինե Հովակիմյանը  
Միքայել Մելքումյանը  
Ռուզաննա Ազրոյանը  
Ռուզաննա Հակոբյանը  

Շարքը՝ Ինգա Մարտինյանի

Այս թեմայով «Ռոմեո և Ջուլիետա» ներկայացման Ռոմեոյի դերը չէի խաղա, չեն էլ առաջարկում. բլից հարցազրույց դատավոր Զարուհի Նախշքարյանի հետ Ամենառոմանտիկ օրը՝ սիրո առաջարկությանս հաստատումն ստանալու օրը. Բլից հարցազրույց Սերգեյ Չիչոյանի հետ Դատավորի ներկայիս վարձատրության չափը թույլ չի տալիս օգտվել բրենդային հագուստներից. բլից հարցազրույց դատավոր Լիանա Հակոբյանի հետ Ինձ մեղավոր եմ զգում եղբորս հանդեպ, ով իմ փոխարեն հայրական ապտակ ստացավ. Բլից հարցազրույց դատավոր Ռուբիկ Մխիթարյանի հետ Ես ընկերներ ձեռք չեմ բերել, որ հիասթափվեմ. Բլից հարցազրույց դատավոր Գոռ Թորոսյանի հետ