Էթիկետ. Ինչպես ընտրել ճիշտ հագուստ

ArmDaily.am-ը շարունակում է «Էթիկետ» շարքը, որի շրջանակներում մենք անդրադառնում ենք վարվելակերպի կանոններին։

Այս անգամ ներկայացնում ենք կանոններ, որոնց պետք է հետևեն կանայք՝ ճիշտ հագուստ ընտրելու համար։ 

Առաջին կանոն. Բլուզի կամ վերնաշապիկի վերևի միայն երկու կոճակն է կարելի քանդել, ոչ ավելին։ Իսկ եթե աշխատավայրում եք, բլուզի դեկոլտեի խորությունը չպետք է գերազանցի 10 սմ-ը։

Երկրորդ կանոն. Կանանց և երիտասարդ աղջիկների հագուստը ինչպես գույներով, այնպես էլ կտորով պետք է տարբերվի։ Երիտասարդ աղջիկների համար նախընտրելի են վառ և ուրախ երանգները, իսկ եթե հագուստը մուգ գույնի է, ապա հագուստին վառ ընդգծված գույնով որևէ շտրիխ է պետք։

Չորրորդ կանոն. Կարևոր է ուշադրություն դարձնել նաև ճիշտ ընտրված կոշիկներին և աքսեսուարներին։ Անգամ ամենահաջող ընտրված կերպարը կարող է թերի դառնալ սխալ ընտրված կոշիկի կամ զարդի պատճառով։ Վաղուց արդեն գեղեցիկ չի համարվում նույն երանգի կոշիկի և պայուսակի համադրությունը, ճչան զարդերը։ Ականջօղերը պետք է համադրել թևնոցի, իսկ վզնոցը՝ մատանու հետ։ Պետք չէ դրանք բոլորը նույնանման կրել։

Հինգերորդ կանոն. Լողազգեստը պետք է ընտրել ըստ կազմվածքի և տարիքային առանձնահատկությունների։ Պայծառ, գունագեղ լողազգեստները նախընտրելի են միայն շատ նիհար աղջիկների համար։ Թմբլիկ աղջիկներին խորհուրդ է տրվում նախապատվությունը տալ փակ լողազգեստներին՝ սև, կապույտ, մուգ կանաչ, ծաղիկներով:

Ձեզ ենք ներկայացնում ևս մի քանի կանոն, որոնց պետք է հետևել.

•Թմբլիկ աղջիկները կատարյալ տեսք ունեն ուղիղ, մարմինը չափից շատ չընդգծող կիսաշրջազգեստներով։

•Գլխարկներ կրել պետք է միայն կեսօրին, երեկոյան նրանք անտեղի են։

•Տաբատների մուգ երանգները, ուղղահայաց գծերը ազդրերը և ոտքերը վիզուալ ավելի սլացիկ են դարձնում։

•Նիհար և երկար պարանոցի դեպքում ավելի լավ է հրաժարվել խորը դեկոլտե կրելուց, պետք է ընտրել չափավոր խորը, կլոր կամ քառակուսի բացվածքով հագուստ։

•Ցածրահասակ աղջիկների համար իդեալական է կրել  լայն տաբատ և բարձրակրունկ կոշիկներ։

Այս թեմայով Պաշտոնական արարողակարգ. Ժամանակակից էթիկետ Էթիկետ. կանոններ, որոնց պետք է հետևել, երբ վատառողջ եք Էթիկետ. բանտային կանոններ Էթիկետ. Կանոններ, որոնց պետք է հետևել, եթե աշխատում եք դեղատանը Էթիկետ. Կանոններ, որոնց պետք է հետևել բնության գրկում