Չիրականացած երազանքը՝ դառնալ պարուհի և պարել ռումբա. Բլից հարցազրույց Սիմա Իսկանդարյանի հետ

ArmDaily.am-ը «Խորհրդակցական սենյակում» շարքի շրջանակներում շարունակում է բացահայտել դատավորներին։ Այս անգամ մեր բլից հարցերին պատասխանել է ՀՀ Տավուշի մարզի ընդհանուր իրավասության առաջին ատյանի դատարանի դատավոր Սիմա Իսկանդարյանը։

Մանկական խաղեր՝ տուն-տունիկ, ցատկապարան, բժիշկ-բժիշկ...։
-Ցատկապարան:

Բժիշկ, ուսուցիչ չդարձաք, դարձաք դատավոր, ինչու։
-Միշտ չեմ սիրել անարդարությունն ու անազնվությունը: Ոլորտն ընտրելիս մտածել եմ, որ այդ երևույթներն ինչ-որ առումով շտկելու հնարավորություն կունենամ:

Ծնողական խրատ։
-Շատ չարաճճի եմ եղել, ամենաշատ խրատը, որ լսել եմ ծնողներիցս, դա խելոք մնալն է եղել:

Դպրոցում արտասվե՞լ եք գնահատականի համար։
-Արտասվել՝ ոչ, ավելի շատ մտահոգ էի, թե ինչպես էր հետո կշտամբելու ինձ հայրս:

Երկրպագուներ...
-Այո:

Խենթ քայլեր, որ արել են ձեզ համար:
-Չեմ մտաբերում:

Օծանելիք, զարդեր...ձեր թուլությունը:
-Պայուսակ:

Ամենաշատը ինչքան գումար եք ծախսում շոփինգի ժամանակ։
-Դժվարանում եմ պատասխանել, բայց եթե ինչ-որ բան շատ եմ հավանում, для себя родного не жалко.

Հայտնի բրենդներ, թե կարելի է գնումներ կատարել նաեւ տոնավաճառներից։
-Էական չի, թե որտեղից կկատարեմ գնումներ, կարևորը ինձ դուր գա: Բայց չեմ թաքցնի, ունեմ նախընտրած բրենդեր:

Սիրելի ուտեստ։
-Մածնապուր:

Տղամարդու ձեր իդեալը։
-Կնամեծար և առատաձեռն:

Խոհանոցում քանի ժամ եք անցկացնում, ինչ եք լավ պատրաստում եւ ինչ չեք կարողանում պատրաստել։
-Վատ չեմ պատրաստում, բայց ամուսինս միշտ համարում է, որ ինչ-որ բան պակասում է, և ինքն է սկսում ինչ-որ իմպրովիզներ կատարել արդեն պատրաստի ուտեստի վրա:

Բուրդ ճիպոտել, գորգ լվանալ, պահածո, չիր պատրաստել...
-Գորգ լվանալ:

Ձեր տանը կարգավիճակները ինչպես են բաշխվում՝ վկա, ամբաստանյալ, մեղադրող, տուժող, դատավոր։
-Կոնկրետ կարգավիճակներ չկան, ամեն ինչ իրավիճակային է:

Սիրելի գիրքը։
-Ջեկ Լոնդոնի «Մարտին Իդեն»:

Ֆիլմի ո՞ր հերոսուհին եք դուք։ Դեր, որ երբեք չէիք խաղա։
-Կմարմնավորեի Սառցե թագուհու կերպարը, բայց ոչ երբեք Մոխրոտիկի: Չեմ սիրում զոհի կարգավիճակը:

Ո՞ւմ ինքնաբացարկ կհայտնեիք։
-Կփորձեի հասկանալ և հասկացնել: Ինքնաբացարկին չէր հասնի:

Ակամայից ստացած կաշառք։
-Ակամայից կաշառքներ չեն լինում: Դա նույնն է, թե մարդասպանն ասի, որ իր զոհը պատահաբար յոթ անգամ ընկել է իր դանակի վրա:

Եթե ոսկե ձկնիկ ունենայիք:
-Կխնդրեի կյանքիս ամեն օրը բարի հեքիաթի վերածեր:

Ինչքան փող է ձեզ պետք...ուրիշի անունով գրանցած գույք ունե՞ք։
-Փողը երբեք շատ չի լինում, այստեղ հարցը զուտ անձի ինքնաբավության մեջ է, որովհետև для кого стакан наполовину пуст, для кого наполовину полон. Ոչ, ուրիշի անունով գրանցած գույք չունեմ։

Ձեր երջանկությունը։
-Ընտանիքս, ծնողներիս տեսնել առողջ և երջանիկ, զբաղվել սիրելի աշխատանքով, լինել լավատես:

Բախտագուշակի այցելե՞լ եք, հավատո՞ւմ եք։
-Ոչ

Եթե սկսեիք սկզբից, ի՞նչ կփոխեիք:
-Երևի ոչինչ, ուղղակի մի փոքր ավելի թեթև կնայեի ծագած խնդիրներին:

Կյանքի դասեր։
-Լինել համբերատար, շտապել դանդաղ:

Բամբասանք ձեր մասին։
-Ինչքան ուզեք, ցանկացած ժանրի և գունավորումների, բայց հետաքրքիր:

Ինչի՞ համար եք զղջում։
-Բացարձակ ոչնչի համար:

Ո՞ւմ եք սիրում:
-Սիրում եմ ինձ համար թանկ բոլոր մարդկանց, իսկ եթե ամենաշատը՝ երկու տղաներիս:

Ու՞մից եք դժգոհ:
-Առհասարակ ոչ մեկից, ավելի հաճախ ինձնից, քանզի տեսակով պերֆեկցիոնիստ եմ ու ինքս իմ հանդեպ շատ պահանջկոտ:

Երբ զայրանում եք:
-Զայրույթը թուլություն եմ համարում, ուստի այդ թուլության դրսևորումներից ինձ զերծ պահելու համար ամենազայրացած պահին փորձում եմ մենակ մնալ և մտածել: Իհարկե ոչ միշտ է ստացվում:

Երբ զարմանում եք...։
Պատահում է, բայց ժամանակի հետ ինձ սկսել են շատ քիչ բաներ զարմացնել:

Որ դեպքում հրաժարական կտաք եւ ինչու։
Երբ գիտակցեմ, որ այլևս արժանի չեմ դատավորի կարևոր առաքելությունը կատարելուն: Ի զորու եմ ինձ ինքնաքննադատաբար մոտենալ:

Հիասթափվում եւ հուսահատվում եք...։
-Իհարկե, բայց յուրաքանչյուր նման իրավիճակում ինքս ինձ հիշեցնում եմ, որ թունելի վերջում միշտ լույս է լինում:

Վախենո՞ւմ եք վեթինգից։
-Վախենում եմ միայն առնետներից: Իսկ վեթինգի մեջ, որքանով որ հասկացել եմ դրա էությունը, նոր ոչինչ չկա: Դա մշտական պրոցես է, որի միջով պարբերաբար անցնում է ցանկացած դատավոր: Վեթինգը չպետք է լինի միանգամյա ակտ կամ գործողություն, դա ցանկացած բարձրաստիճան պաշտոնյայի, այդ թվում՝ դատավորի համար պետք է լինի բնականոն կենսակերպ ու գործելաոճ:

Հավատում եք...։
-Աստծուն։

Հոգսեր։
-Առանց դրանց չի լինում: Երբ մի օր արթնանաս ու հասկանաս, որ հոգսեր չունես, ուրեմն իմացիր, որ դու դիակ ես:

Չիրականացած երազանք։
-Դառնալ պարուհի և պարել ռումբա:

Թուլություններ, թերություններ։
-Ասում են՝ մարդուն անհրաժեշտ է երկու տարի խոսել սովորելու համար, և մի ամբողջ կյանք լռել սովորելու համար: Կուզենայի կարողանալ գոնե մեկ-մեկ լռել, և ուղիղ չասել այն, ինչ ինձ դուր չի գալիս կամ սխալ եմ համարում: Մեկ բառով ասած՝ ուղղամտությունս համարում եմ իմ ամենամեծ և´ թերությունը, և´ թուլությունը:

Զանգ ԲԴԽ-ից:
-Չեմ ստացել

Խորհրդակցական սենյակում։
-Խորհրդակցական սենյակ ասվածն իրականում ինձ համար սիմվոլիկ պահ է, որովհետև չեմ կարծում, թե հենց խորհրդակցական սենյակում լինելիս է դատավորը գտնում կոնկրետ վեճի լուծման եղանակը: Ըստ էության դա երկար ու ձիգ պրոցես է, որն իր հանգուցալուծումն է գտնում այդ վերջին փուլում, ուստի այդ առումով արտառոց ոչինչ չեմ կարող հիշել:

Հարց շարքի հաջորդ մասնակցին։
-Կա՞ մի բան, որը գիտեք չի կարելի, բայց կուզենայիք Ձեր կյանքում անել գոնե մեկ անգամ:

Մեր շարքի նախորդ մասնակիցը՝ Երեմ Եսոյանը Ձեզ հարցնում է՝ եթե ունենայիր մեկ հնարավորություն, ինչ կփոխեիր քո կյանքում։
-Ոչինչ չէի փոխի։

«Խորհրդակցական սենյակում» շարքին մասնակցել են
Ալեքսանդր Ազարյանը  
Գագիկ Հովհաննիսյանը  
Քրիստինե Մկոյանը  
Գեւորգ Նարինյանը  
Անի Հարությունյանը  
Սուրեն Մնոյանը 
Ռաֆիկ Խանդանյանը  
Ստեփան Միքայելյանը  
Դավիթ Հարությունյանը  
Արսեն Նիկողոսյանը  
Արման Օհանյանը  
Աննա Փիլոսյանը  
Հովսեփ Բեդեւյանը  
Դավիթ Բալայանը  
Վահե Խալաթյանը  
Տիգրան Փոլադյանը  
Լիլիթ Սարգսյանը  
Լիլիթ Կատվալյանը  
Հովհաննես Ավագյանը  
Ռուբեն Վարդազարյանը  
Ելիզավետա Դանիելյանը  
Նախշուն Տավարացյանը  
Կարեն Մաթեւոսյանը  
Արթուր Աթաբեկյանը  
Կարինե Բաղդասարյանը  
Դավիթ Գրիգորյանը  
Լիզա Գրիգորյանը  
Արշակ Վարդանյանը  
Սիմիզար Հովսեփյանը  
Գրիգոր Առաքելյանը  
Երեմ Եսոյանը  

Շարքը՝ Ինգա Մարտինյանի

Այս թեմայով «Ռոմեո և Ջուլիետա» ներկայացման Ռոմեոյի դերը չէի խաղա, չեն էլ առաջարկում. բլից հարցազրույց դատավոր Զարուհի Նախշքարյանի հետ Ամենառոմանտիկ օրը՝ սիրո առաջարկությանս հաստատումն ստանալու օրը. Բլից հարցազրույց Սերգեյ Չիչոյանի հետ Դատավորի ներկայիս վարձատրության չափը թույլ չի տալիս օգտվել բրենդային հագուստներից. բլից հարցազրույց դատավոր Լիանա Հակոբյանի հետ Ինձ մեղավոր եմ զգում եղբորս հանդեպ, ով իմ փոխարեն հայրական ապտակ ստացավ. Բլից հարցազրույց դատավոր Ռուբիկ Մխիթարյանի հետ Ես ընկերներ ձեռք չեմ բերել, որ հիասթափվեմ. Բլից հարցազրույց դատավոր Գոռ Թորոսյանի հետ