Իսկական տղամարդը նա է, ում կողքին եմ արդեն 32 տարի. բլից հարցազրույց դատավոր Կարինե Բաղդասարյանի հետ

Վազող տող 15 Հուլիս, 2019 18:00

ArmDaily.am-ը «Խորհրդակցական սենյակում» շարքի շրջանակներում շարունակում է բացահայտել դատավորներին։ Այս անգամ մեր բլից հարցերին պատասխանել է ՀՀ վարչական վերաքննիչ դատարանի դատավոր Կարինե Բաղդասարյանը։

Փոքր ժամանակ ի՞նչ էիք երազում դառնալ ու ինչո՞ւ։
-Ուսուցչուհի, ասմունքող, ավելի ուշ` հնեաբան, բայց ոչ երբեք իրավաբան:

Մանկության սիրելի խաղալիք։
-Խաղալիք որպես այդպիսին չեմ սիրել, սիրել եմ խաղեր, այն էլ խմբային` մեր բակում:

Երկրպագուներ։
-Իհարկե եղել են:

Իսկական տղամարդը։
-Նա, ում կողքին եմ արդեն 32 տարի:

Տանը ոտքի են կանգնում, երբ դուք մտնում եք։
-Ախր ես տուն եմ մտնում, ինչ ոտքի:

Ասում են՝ համով ձեռք ունեք, ի՞նչ եք սիրում պատրաստել։ Մի բացառիկ ռեցեպտով կկիսվեք։
-Շատ ծամծմված գուցե հնչի, բայց ամեն ինչն էլ համեղ է, երբ սիրելիների համար սիրով ես պատրաստում:

Բուրդ չփխել, գորգ լվանալ, թե պահածո պատրաստել, ո՞րն է Ձերը։
-Երևի ամեն ինչը, բացի ասեղից:

Դեպրեսիան հաղթահարելու լավագույն միջոցը՝ շոփինգ, շոկոլադ...։
- Գիրք:

Ամենաթանկ նվերը, որը ստացել եք։
-Թոռնիկս:

Նախընտրելի բրենդներ։
-Գաղափար չունեմ:

Կաշառք տվե՞լ եք որեւէ մեկին։ Իսկ Ձեզ տվե՞լ, առաջարկե՞լ են։
-Իհարկե, ամեն օր տալիս եմ թոռնիկիս` համբույրի դիմաց:

Ընկերուհիներ ունե՞ք։
-Ունեմ շատ թանկ մարդիկ, որոնց ընկերուհի չէի ասի:

Ռոմանտիկ ընթրիք։
- Վաղուց չի եղել:

Օրվա հարցը՝ ինչ հագնել...։
-Օրվա հարց չեմ համարել երբեք:

Ինչը կարող է Ձեզ երջանկացնել։
-Ինձ համար կարևոր խնդրի լուծումը:

Ինչ չեք կարողանում պատրաստել։
-Շատ շատ են, այդքանը թվարկել հնարավոր չէ:

Ձեզ կինոյի, գրքի ո՞ր հերոսուհուն եք նմանեցնում։
-Երբեք չեմ էլ մտածել ինձ նմանեցնել որևէ հերոսուհու:

Կյանքի դասեր։
-Մայրիկիս մահը, երբ 14 տարեկան էի:

Բամբասանք Ձեր մասին։
-Չեմ լսել:

Ինչի՞ համար եք զղջում։
-Միայն չարածների:

Ո՞ւմ եք սիրում։
-Մարդկանց:

Ու՞մից եք դժգոհ։
-Ամենից հաճախ ինքս ինձնից:

Երբ զայրանում եք։
-Ավելի ուժեղ եմ դառնում:

Երբ զարմանում եք։
-Վաղուց արդեն չեմ զարմանում:

Դեր, որ երբեք չէիք խաղա։
-Երբեք չէի խաղա որևէ դեր:

Հիասթափվում եւ հուսահատվում եք... ։
-Մարդկային չարությունից:

Վախենո՞ւմ եք...։
-Անորոշությունից:

Հավատում եք...։
-Բարուն:

Հոգսեր։
- Առօրյա կյանք:

Խենթություններ Ձեզ համար արված կամ Ձեր կողմից արված։
- Չեմ հիշում:

Ընտանիքը։
-Իմ ամենամեծ ձեռքբերումը:

Չիրականացած երազանք։
-Երևի չունեմ:

Թուլություններ, թերություններ։
- Լիքը:

Ե՞րբ եք արտասվում եւ արցունքներով երբեւէ ինչ-որ բաների հասե՞լ եք։
- Երբ շատ տխուր եմ կամ շատ ուրախ: Դրանք ինչ որ բանի հասնելու միջոց չեն երբեք:

Սիրելի արտահայտություն ունե՞ք, որը Ձեզ համար կարգախոս եք դարձրել:
- Փիլիսոփայության մեր դասախոսի հաճախ ասվող արտահայտությունը. Խիղճը մարդու վերջին հանգրվանն է: Կորավ խիղճը, կորավ մարդը:

Ինչո՞ւմ է հաջողության հասնելու գաղտնիքը:
- Ձգտելու ցանկության:

Զանգ ԲԴԽ-ից։
- Չի եղել:

Խորհրդակցական սենյակում։
- Քննարկումներ:

Ո՞ւմ ինքնաբացարկ կհայտնեիք։
-Ինքնասիրահարված մեծամիտին:

Հարց շարքի հաջորդ մասնակցին։
- Ձեր ընթերցած վերջին գիրքը:

Մեր շարքի նախորդ մասնակիցը՝ Արթուր Աթաբեկյանը, Ձեզ հարցնում է՝ եթե ձեզ թույլ տան ընդամենը մի բան փոխել աշխարհում, ո՞րը կլինի դա։
-Կվերացնեի պատերազմ հասկացությունը։

«Խորհրդակցական սենյակում» շարքին մասնակցել են
Ալեքսանդր Ազարյանը
Գագիկ Հովհաննիսյանը
Քրիստինե Մկոյանը
Գեւորգ Նարինյանը
Անի Հարությունյանը
Սուրեն Մնոյանը
Ռաֆիկ Խանդանյանը
Ստեփան Միքայելյանը
Դավիթ Հարությունյանը
Արսեն Նիկողոսյանը
Արման Օհանյանը
Աննա Փիլոսյանը
Հովսեփ Բեդեւյանը
Դավիթ Բալայանը
Վահե Խալաթյանը
Տիգրան Փոլադյանը
Լիլիթ Սարգսյանը
Լիլիթ Կատվալյանը
Հովհաննես Ավագյանը
Ռուբեն Վարդազարյանը
Ելիզավետա Դանիելյանը
Նախշուն Տավարացյանը
Կարեն Մաթեւոսյանը
Արթուր Աթաբեկյանը