Վախենում է արջին անտառում հանդիպելուց, հիասթափեցրել է ցեխոտ կոշիկներով դատախազը. բլից հարցազրույց դատավոր Արթուր Աթաբեկյանի հետ

ArmDaily.am-ը «Խորհրդակցական սենյակումե շարքի շրջանակներում շարունակում է բացահայտել դատավորներին։ Այս անգամ մեր բլից հարցերին պատասխանել է Սնանկության դատարանի դատավոր Արթուր Աթաբեկյանը։

Երեք բառով նկարագրեք ձեզ:
-Թեկուզ մեկ բառով, բայց ճիշտ կլինի ինձ նկարագրեն ինձ շրջապատող անձինք։

Որո՞նք են ձեր դրական եւ բացասական կողմերը:
-Ինչպես յուրաքանչյուր մարդ, ես նույնպես ունեմ իմ դրական և բացասական կողմերը, սակայն կարևորը բացասական կողմերը նկատելն ու շտկելն է, իսկ դրականիցª չառիթավորվելը։

Ինչպե՞ս եք դիմակայում սոցիալական ցանցերում չգրանցվելու գայթակղությանը։
-Մի կերպ։

Ձեր թուլությունը:
-Գեղեցկությունը։

Որպես գեղեցիկը գնահատող մարդ` ի՞նչ եք կարծում` գեղեցկությունը կփրկի աշխարհը:
-Գեղեցկությունն արդեն փրկել է աշխարհը։

Ձեր կարգախոսը։
-Լինել ազնիվ, ողջամիտ և գնահատել ունեցածը։

Ինչի՞ց եք վախենում:
-Արջին անտառում հանդիպելուց։

Ի՞նչը կփոխեիք ձեր մեջ:
-Այդքան անկեղծ չեմ կարող լինել։

Ու՞մ հանդեպ եք ձեզ մեղավոր զգում:
-Մտածում եմ մարդկանց նկատմամբ իմ վերաբերմունքի և դրսևորումների մասին, բայց որևէ անձի նկատմամբ ինձ մեղավոր չեմ զգում։

Ձեր ամենաթանկ ժամացույցը, գինը եւ բրենդը։
-Կնոջս նվիրած ժամացույցն է, իսկ նվերի գինն ու բրենդն էական չեն։

Ե՞րբ եք ստում:
-Երբեք։

Ի՞նչն է ձեզ զարմացնում։
-Որոշ մարդկանց անտեղի ինքնավստահությունը։

Փողը, հարստությունը, պաշտոնները երբեւէ ձեր մեջ որեւէ բան փոխե՞լ են, ազդե՞լ են ձեր վրա:
-Ոչ։

Հայաստանի պատմության մեջ սիրելի քաղաքական գործիչը ո՞վ է:
-Քիչ չեն։

20-21-րդ դարի հայտնի մարդկանցից ո՞ւմ հետ կցանկանայիք հանդիպել:
-Շառլ Ազնավուրի։

Ինչ է պատմում հայելին Ձեր մասին։
-Հայելու առաջ երկար չեմ կանգնում։

Ձեր վատագույն սովորությունը:
-Առավոտյան շուտ արթնանալը։

Հոբբին։
-Ընտանիքիս ու ընկերներիս հետ ժամանակ անցկացնելը։

Գուշակների երբեւէ այցելե՞լ եք:
-Հանդիպումները միայն իրենց նախաձեռնությամբ։

Ի՞նչն է Ձեզ բարկացնում՝ դատախազի ցեխոտ կոշիկները, թե օրենքը չիմանալը։
-Երկուսն էլ։

Մանկական եւ ոչ մանկական չարաճճիություններ:
-Միայն մանկական։

Լուսանկարներ, հիշողություններ:
-Լուսանկարվել շատ չեմ սիրում, իսկ հիշողություն ամեն պահը պետք է դարձնել։

Ո՞վ է ձեզ կյանքում հիասթափեցրել:
-Ցեխոտ կոշիկներով դատախազը։

Հուսահատության պահերը ո՞նց եք հաղթահարել։
-Նոր նպատակ դնելով և առաջ նայելով։

Ինչ-որ սկզբունքներ, որոնց ստիպված եք եղել դավաճանել։
-Սկզբունքներին դավաճանելն իմ ոճը չէ։

Պատրաստում ենք երջանկություն: Ձեր բաղադրատոմսը:
-Սեր, փոխադարձ վստահություն և հանդուրժողականություն։

Ամենաուրախ եւ ամենատխուր օրը։
-Զավակներիս ծնվելու օրերը, իսկ տխուր օրերն աշխատում եմ չհիշել։

Ի՞նչ կցանկանայիք նվեր ստանալ:
-Նվերն անակնկալի տեսքով է գեղեցիկ, հակառակ պարագայում նվեր ստանալը կիմաստազրկվի։

Ձեր խենթություններից:
-Սահմանափակ է։

Ու՞մ կցանկանայիք նմանվել։
-Ես արդեն նմանվել եմ իմ ծնողներին, ինչի համար ուրախ ու հպարտ եմ։

Աշխարհի ամենալավ մարդը ո՞վ է:
-Ազնիվ, շիտակ, դիմացինին լսելու և գնահատելու ունակություն ունեցող մարդը։

Կենդանիներ սիրո՞ւմ եք եւ ի՞նչ կենդանու եք ձեզ նմանեցնում:
-Կենդանիներ չեմ սիրում։

Ի՞նչ է ընտանիքը ձեզ համար:
-Երջանկության մի մեծ ամբողջություն.

Ձեր ընտրյալը:
-Իմ միակ կինը։

Ի՞նչ հոգսեր ունեք:
-Հոգսեր չունեմ, բայց ինչպես յուրաքանչյուրը, ես նույնպես ունեմ առօրյա խնդիրներ, որոնք լուծում են ստանում։

Ո՞ր մոլախաղում եք անպարտելի:
-Իմ կարծիքով՝ մոլախաղերն անպարտելի չեն լինում։

Զանգ ԲԴԽ-ից...։
-Ամեն օր։

Խորհրդակցական սենյակում։
-Անկողմնակալ։

Հարց շարքի հաջորդ մասնակցին։
-Եթե Ձեզ թույլ տան ընդամենը մի բան փոխել աշխարհում, որը կլինի դա:

Մեր շարքի նախորդ մասնակիցը՝ Կարեն Մաթեւոսյանը, Ձեզ հարցնում է՝ Դուք Ձեզ բավարարված զգո՞ւմ եք։
-Բավարարված լինելով մտածում եմ նոր ձեռքբերումների մասին։

«Խորհրդակցական սենյակում» շարքին մասնակցել են
Ալեքսանդր Ազարյանը  
Գագիկ Հովհաննիսյանը  
Քրիստինե Մկոյանը  
Գեւորգ Նարինյանը  
Անի Հարությունյանը  
Սուրեն Մնոյանը  
Ռաֆիկ Խանդանյանը  
Ստեփան Միքայելյանը  
Դավիթ Հարությունյանը  
Արսեն Նիկողոսյանը  
Արման Օհանյանը  
Աննա Փիլոսյանը  
Հովսեփ Բեդեւյանը  
Դավիթ Բալայանը  
Վահե Խալաթյանը  
Տիգրան Փոլադյանը  
Լիլիթ Սարգսյանը  
Լիլիթ Կատվալյանը  
Հովհաննես Ավագյանը  
Ռուբեն Վարդազարյանը  
Ելիզավետա Դանիելյանը  
Նախշուն Տավարացյանը  
Կարեն Մաթեւոսյանը  

Շարքը՝ Ինգա Մարտինյանի

Այս թեմայով «Ռոմեո և Ջուլիետա» ներկայացման Ռոմեոյի դերը չէի խաղա, չեն էլ առաջարկում. բլից հարցազրույց դատավոր Զարուհի Նախշքարյանի հետ Ամենառոմանտիկ օրը՝ սիրո առաջարկությանս հաստատումն ստանալու օրը. Բլից հարցազրույց Սերգեյ Չիչոյանի հետ Դատավորի ներկայիս վարձատրության չափը թույլ չի տալիս օգտվել բրենդային հագուստներից. բլից հարցազրույց դատավոր Լիանա Հակոբյանի հետ Ինձ մեղավոր եմ զգում եղբորս հանդեպ, ով իմ փոխարեն հայրական ապտակ ստացավ. Բլից հարցազրույց դատավոր Ռուբիկ Մխիթարյանի հետ Ես ընկերներ ձեռք չեմ բերել, որ հիասթափվեմ. Բլից հարցազրույց դատավոր Գոռ Թորոսյանի հետ