#Չորնի_բումեր. պատգամավոր դառնալուց հետո մեքենաս քարշակով տեղափոխել են տուգանային հրապարակ. ինչպիսի վարորդ է ԱԺ պատգամավոր Սերգեյ Ատոմյանը (լուսանկարներ)

ArmDaily.am-ը շարունակում է #Չորնի_բումեր շարքի շրջանակներում ներկայացնել հայտնիների նախկին ու ներկա մեքենաները։ Այսօրվա հերոսը ԱԺ «Իմ քայլը» խմբակցության պատգամավոր Սերգեյ Ատոմյանն է։

-Ի՞նչ մեքենա եք վարում։

Վարում եմ Mersedes_Benz S550 մակնիշի 063HH11 և 80 CC 088 պետհամարանիշներով մեքենա։ Մեքենայի արժեքը՝ 15-18000դոլար, 388 ձիաուժ է, 5.5լ աշխ. ծավալով շարժիչ ունի, փոխանցման տուփը՝ ավտոմատ: Սա իմ 7-րդ մեքենան է: Մինչ այս մեքենան վարել եմ MERSEDES-BENZ, BMW, TOYOTA, INFINITY մակնիշի մեքենաներ:

-Վարորդական իրավունք ե՞րբ եք ստացել։

Վարորդական իրավունք ստացել եմ 2004 թվականին։

-Վթարի ենթարկվե՞լ եք։

Ոչ, երբևէ վթարի չեմ ենթարկվել:

-Ի՞նչ երաժշտություն եք լսում մեքենայում։

Մեքենայում նախընտրում եմ լսել տարատեսակ ոճի երաժշտություն։

-Մեքենայում քարսիթ ունե՞ք։

Այո, քարսիթ ունեմ:

-Պետավտոտեսուչների հետ հետաքրքիր դեպքեր եղե՞լ են։

Պատգամավոր ընտրվելուց հետո, մեքենաս կայանել եմ արգելվող վայրում (շտապելու պատճառով), որի արդյունքում մեքենան քարշակով տեղափոխվել է տուգանային հրապարակ, վերադառնալով կայանման վայր, չգտնելով մեքենան, հարցրել եմ պետավտոտեսուչներին մեքենայի գտնվելու վայրի մասին, նրանք հայտնել են, որ արգելված վայրում կայանելու համար այն տեղափոխվել է տուգանային հրապարակ: Այնուհետև մեկնել եմ տուգանային հրապարակ, վճարելով սահմանված 20000 դրամը, վերցրել եմ մեքենաս: Նմանատիպ այլ իրավիճակում չեմ հայտնվել:

-Ամենամեծ տուգանքի չափը, որ վճարել եք։

Առավելագույն տուգանքը եղել է այդ 20 հազար դրամը, որը վճարել էի մեքենան տուգանային հրապարակից վերցնելու համար։

-Մինչև մեքենա ունենալը հաճա՞խ եք «գողացել» հայրիկի մեքենան։

15 տարեկանում, մի քանի անգամ՝ առանց հորս թույլատրության, վարել եմ իր մեքենան:

-Մեքենա, որ երբեք չեք վարի։

Երբեք չեմ վարի աջ ղեկ ունեցող մեքենա:

-Ի՞նչ եք պահում մեքենայի «բարդաչոկում» ու բեռնախցիկում։

Բեռնախցիկում պահում եմ սպորտային հանդերձանքս, «բարդաչոկում» պահում եմ օծանելիք, անձնագիր, վարորդական վկայական, հեռախոսի մարտկոցի լիցքավորման սարք, ծխախոտ և տարբեր փաստաթղթեր:

-Ովքե՞ր են հիմնականում Ձեր ուղևորները։

Իմ մեքենայով հիմնականում ես եմ երթևեկում: Անհրաժեշտության դեպքում տեղափոխում եմ ընտանիքիս անդամներին և ընկերներիս:

Այս թեմայով #Չորնի_բումեր. Քարսիթ չունեմ, երեխա նույնպես. ինչպիսի վարորդ է ԱԺ պատգամավոր Արտյոմ Ծառուկյանը (լուսանկարներ) #Չորնի_բումեր. 2 անգամ վթարի եմ ենթարկել՝ հորս ու կնոջս բարեկամի մեքենաներին եմ հարվածել. ինչպիսի վարորդ է Լոռու մարզպետ Անդրեյ Ղուկասյանը #Չորնի_բումեր. պատգամավոր Նարեկ Զեյնալյանի մեքենան արժե 18 հազար դոլար, մեկ անգամ վթարի է ենթարկվել (լուսանկար) #Չորնի_բումեր. 13 տարեկանում մեքենան գողացել է ու վթարի ենթարկվել. Ինչ մեքենաներ է նախընտրում վարել Վարդենիսի քաղաքապետ Արամ Մելքոնյանը (լուսանկարներ) #Չորնի_բումեր. Պատգամավոր Արման Աբովյանից ճանապարհային ոստիկանները հաճախ են կաշառք խնդրում, սակայն երբեք չի տալիս