#Չորնի_բումեր. 2 անգամ վթարի եմ ենթարկել՝ հորս ու կնոջս բարեկամի մեքենաներին եմ հարվածել. ինչպիսի վարորդ է Լոռու մարզպետ Անդրեյ Ղուկասյանը

ArmDaily.am-ը շարունակում է #Չորնի_բումեր շարքի շրջանակներում ներկայացնել հայտնիների նախկին ու ներկա մեքենաները։ Այսօրվա հերոսը Լոռու մարզպետ Անդրեյ Ղուկասյանն է։ 

-Ի՞նչ մեքենա եք վարում։

Վարում եմ Mercedes benz ML 350 2007 թվական: Գնել եմ 4 տարի առաջ 19000$-ով: Մեքենան 270 ձիաուժ է։ Իմ 3-րդ մեքենան է: Ունեցել եմ Opel vectra և Opel astra:

-Վարորդական իրավունք ե՞րբ եք ստացել։

Վարորդական իրավունք ստացել եմ 2006թ-ին։

-Վթարի ենթարկվե՞լ եք։

Վթարների ենթարկվել եմ՝ շատ փոքր վնասներով: Հորս մեքենային եմ հարվածել մեկ անգամ մեր բակում պատահաբար, մյուսը էլի մեր բակում՝ կնոջս բարեկամի մեքենային:

-Ի՞նչ երաժշտություն եք լսում մեքենայում։

Մեքենայում լսում եմ Ռեինկարնացիա, System of a down, Շարլ Ազնավուր, Գառու...

-Մեքենայում քարսիթ ունե՞ք։

Այո։

-Պետավտոտեսուչների հետ հետաքրքիր դեպքեր եղե՞լ ես։

Եղել են դեպքեր պետավտոտեսուչների հետ, սակայն միշտ դրանք եղել են օրինականության սահմաններում և այդ պահանջով։

—Ամենամեծ տուգանքի չափը, որ վճարել եք։ 

5000 դրամներ եմ վճարել՝ տարբեր խախտումների համար։

-Մինչև մեքենա ունենալը հաճա՞խ եք «գողացել» հայրիկի մեքենան։

Անչափահաս տարիքում վարել եմ միայն հայրիկիս հետ։

-Մեքենա, որ երբեք չեք վարի։

Կվարեմ բոլոր մեքենաներից էլ, այդ հարցում շատ պահանջկոտ չեմ։

-Ի՞նչ եք պահում մեքենայի «բարդաչոկում»։

Մեքենայի «բարդաչոկում» պահում եմ փաստաթղթեր, հեռախոսի լիցքավորիչ, դիսկեր, գրիչ, ծամոն։

-Ովքե՞ր են հիմնականում Ձեր ուղևորները։

Իմ ուղևորները ընտանիքիս անդամներն են սովորաբար:

-Ավտոստոպով ճանապարհորդողներին տեղափոխո՞ւմ եք։

Ավտոստոպով տանում եմ, երբ ընտանիքով են լինում կամ տարեցներ են լինում։

Շարքը՝ Արմինե Նավոյանի

Այս թեմայով #Չորնի_բումեր. Քարսիթ չունեմ, երեխա նույնպես. ինչպիսի վարորդ է ԱԺ պատգամավոր Արտյոմ Ծառուկյանը (լուսանկարներ) #Չորնի_բումեր. պատգամավոր դառնալուց հետո մեքենաս քարշակով տեղափոխել են տուգանային հրապարակ. ինչպիսի վարորդ է ԱԺ պատգամավոր Սերգեյ Ատոմյանը (լուսանկարներ) #Չորնի_բումեր. պատգամավոր Նարեկ Զեյնալյանի մեքենան արժե 18 հազար դոլար, մեկ անգամ վթարի է ենթարկվել (լուսանկար) #Չորնի_բումեր. 13 տարեկանում մեքենան գողացել է ու վթարի ենթարկվել. Ինչ մեքենաներ է նախընտրում վարել Վարդենիսի քաղաքապետ Արամ Մելքոնյանը (լուսանկարներ) #Չորնի_բումեր. Պատգամավոր Արման Աբովյանից ճանապարհային ոստիկանները հաճախ են կաշառք խնդրում, սակայն երբեք չի տալիս