Family portrait. Զարուհի Բաթոյան՝ հարսնացուն գործադիրից

Armdaily.am-ը շարունակում է «Family portrait» շարքը որում ներկայացնում ենք հայտնի քաղաքական, հասսարակական գործիչների ընտանիքներին:
Այս շաբաթ մեր հերոսը Աշխատանքի և սոցիալական հարցերի նախարար Զարուհի Բաթոյանն է:

Նախարարը ծնվել է 1979 թվականին Երևանում: Սովորել է Երևանի թիվ 44 միջնակարգ դպրոցում (տնային կրթություն): 2008 թվականին ավարտել է Երևանի պետական համալսարանի ժուռնալիստիկայի ֆակուլտետը: 2008-2009 թվականներին սովորել է «Երիտասարդ առաջնորդների դպրոցում»: «Mobility International USA (MIUSA)» կազմակերպության «Կանանց առաջնորդության և հաշմանդամության ինստիտուտի (WILD)» շրջանավարտ է (2012, Օրեգոն, ԱՄՆ)։ 2019 թվականի հունվարի 19-ից ստանձնել է Աշխատանքի և սոցիալական հարցերի նախարարի պաշտոնը, իսկ մինչ այդ եղել է փոխնախարար նույն նախարությունում:

Հարցազրույցներից մեկում նախարարը, պատմելով իր մանկության մասին, ասել է, որ շատ հախուռն ու վառ տարիներ է ունեցել: Մինչեւ 5 տարեկան Զարուհին ապրել է Ջավախքում, այնուհետեւ Ռուսաստանում, հետո վերադարձել Երեւան։ Թեեւ, գյուղում քիչ ժամանակ է անցկացրել, նրա խոսքով, գյուղական մթնոլորտն իրեն շատ հարազատ ու սիրելի է՝ պայծառ ու վառ հիշողություններ ունի։
10 Տարեկանում մահացել է Բաթոյանի հայրը և նա մոր ու երկու քույրերի հետ սկսել է մենակ ապրել:

Զարուհին դպրոց չի հաճախել։ Տնային ուսուցում է ստացել, որը իր ընտանիքի ընտրությունն է եղել, քանի որ դպրոցում կաբինետային համակարգ էր՝ դասասենյակից դասասենյակ գնալն իր համար խնդիր էր, չկային մատչելի զուգարաններ։
Նա երկու անգամ ոտքը կոտրել է, ինչն էլ որոշակի դժվարություններ են առաջացրել նախարարի մոտ տեղաշարժվելու գործում: Բայց անվասայլակից նա սկսել է օգտվել 2012 թվականից, երբ ԱՄՆ-ում մոտորասայլակ է նվեր ստացել։

«Մինչեւ այդ սայլակ չէի օգտագործում, բայց արդեն 2 անգամ կոտրել էի ոտքս։ Այդ դժվարությունների եւ ապահովության համար բժիշկներն ինձ խորհուրդ էին տալիս սայլակ օգտագործել, որովհետեւ ընկնելու ու կոտրվածք ստանալու շատ լուրջ ռիսկեր կային։ Ես սայլակ չէի օգտագործում, բայց ԱՄՆ-ում դրանով շատ ինքնուրույն եւ ակտիվ էի։ Այդ սայլակով վերադարձա Երեւան եւ հասկացա, որ այստեղ այն ինձ սահմանափակում է, քանի որ միջավայրը մատչելի չէ»,- պատմել է Զարուհի Բաթոյանը հարցազրույցներից մեկի ժամանակ:

Ինչ վերաբերում է նրա անձնական կյանքին, ապա նախարարը մեր կառավարության հերթական հարսնացուներից է, ում համար ամուսնանալը ինքնանպատակ չէ:
«Ինձ համար կարեւոր է, որ ես ինձ լիարժեք զգամ, շրջապատում ունենամ մարդիկ, որոնց կարելի է վստահել։ Եթե ես մի օր ուզում եմ տանը սրճել եւ շփվել ընկերներիս հետ կամ ինչ-որ տեղ գնալ, կարողանամ ինձ թույլ տալ։ Շատ կարեւոր է, թե մարդն ինչ է ուզում իր կյանքում։ Այն մարդիկ, որոնք կան քո կյանքում, չպետք է լինեն ուղղակի լինելու համար։ Եթե պետք է ամուսնանալ, որպեսզի կողքիդ ուղղակի ամուսին լինի, դա այլ ընտրություն է։ Ուղղակի չամուսնանալ ու դրանով լինել լիարժեք՝ այլ ընտրություն։ Պարտադիր նորմերն ինձ համար չեն, ձեւական ոչինչ պետք չէ»,- հայտարարել է նախարարը:

Զարուհի Բաթոյանը մի քանի անգամ սեռական թեմաներով սկանդալների կենտրոնում է հայտնվել: Իր ֆեյսբուքյան էջում մոտ մեկ ամիս առաջ նա հրապարակում էր արել «Իմ մարմինն անձնական է» գրքի վերաբերյալ՝ հորդորելով ծնողներին լրջորեն զբաղվել երեխաների սեռադաստիարակությամբ: Այս հրապարակումը քննադատությունների առիթ դարձավ օգտատերերի մոտ:

Օրեր առաջ Զարուհի Բաթոյանը հարցազրուցներից մեկում անդրադարձել է ազատ սեռական հարաբերություններին, և իր դիրքորոշումը հայտնել՝ ասելով որ սեքսը շատ կարևոր է մարդու կյանքում: Նրա նման արտահայտությունը ևս քննադատությունների առիթ դարձավ:

Շարքը՝ Արփինե Պետրոսյանի:

Այս թեմայով Երբ են արձակուրդ գնալու նախարարները և որտեղ են հանգստանալու Այսօր նախարարները Երևանի փողոցներում դիմակ կբաժանեն «Մի անհանգստացեք, վճարման մասին հաղորդագրություններն ուղարկվում են մաս-մաս». Զարուհի Բաթոյանի հայտարարությունը՝ երեխա ունեցող ընտանիքների համար Որ դեպքում է մերժվում կորոնավիրուսի տնտեսական հետևանքների չեզոքացման 9-րդ միջոցառման դիմումը. Զարուհի Բաթոյան Լոնդոնում կայանալիք «AI & Big data EXPO» միջազգային ցուցահանդեսին հայաստանյան պատվիրակության մասնակցությունը չեղարկվում է