Դատավորի պաշտոնին մի նայեք, եփող-թխող աղջիկ եմ. բլից հարցազրույց դատավոր Լիլիթ Սարգսյանի հետ

ArmDaily.am-ը «Խորհրդակցական սենյակում» շարքի շրջանակներում շարունակում է բացահայտել դատավորներին: Այս անգամ մեր բլից հարցերին պատասխանել է Երեւանի ընդհանուր իրավասության դատարանի դատավոր Լիլիթ Սարգսյանի հետ։

Մանկության չիրականացած եւ իրականացած երազանքը։

-Մանկության երազանք չեմ հիշում, ես երևի մեծ եմ ծնվել Ճ, իսկ այ նպատակներ՝ դրել և հասել եմ...

Երկրպագուներ։

-Այդ հարցում ճակատագիրն իմ հանդեպ շռայլ է գտնվել և ինչպես ասել է երկրպագուների ամենամեծ բանակ ունեցող կանանցից մեկը՝ Մոնիկա Բելուչին՝ «Յուրաքանչյուր կնոջ դուր է գալիս սիրված լինելըՙ, և որքան էլ ուժեղ լինի կինը, նա միշտ իրենից ուժեղ տղամարդու է սպասում: Եվ ոչ նրա համար, որ նա սահմանափակի իր ազատությունը, այլ՝ որ իրեն թույլ լինելու իրավունք տա»։

Իսկական տղամարդը։
-Հայրս:

Խենթություններ ձեզ համար արված կամ ձեր կողմից արված։
-Ախր շատ լուրջ եմ խենթությունների համար:

Երազանքների երկիր, որտեղ կցանկանայիք ապրել։
-Հանճարեղ Համո Սահյանի նման ՚Հայաստան ասելիս աշխարհը իմ տունն է։ Երազանքներիս միակ երկիրը՝ Հզոր Հայաստան, որը երազանքի երկիր կլինի օտարների և օտարության մեջ ապրող հայերի համար:

Լիլիթ Սարգսյանը՝ խոհանոցում, ի՞նչ եք սիրում պատրաստել, ինչ չեք կարող պատրաստել։
-Եթե Լիլիթին խոհանոցում գտնեք, ամեն ինչ սիրով կպատրաստի, ընտանիքիս և ընկերներիս չաղացնում եմ համեղ խմորեղեններով, պաստա կառբոնառա և ոչ միայն, մի խոսքով՝ դատավորի պաշտոնին մի նայեք, եփող-թխող աղջիկ եմ: ՃՃՃՃ

Դեպրեսիան հաղթահարելու լավագույն միջոցը՝ շոփինգ, շոկոլադ, կարաոկե...։
-Ոչ մեկը, ոչ մյուսը, ծով.

Ամենաթանկ նվերը, որը ստացել եք:
-Ամենաթանկ նվերը ստանում եմ ամեն առավոտ՝ ծնողներիս ձայնն ու ժպիտը:

Նախընտրելի բրենդներ։ Ձեր զգեստապահարանը։
-Էական է ոչ թե բրենդը, այլ հագուստ, որի մեջ ինձ գեղեցիկ եմ զգում, իսկ զգեստապահարանս խիստ տարաբնույթ է, սպորտայինից մինչև դասական:

Օրվա հարցը՝ ինչ հագնել... ։
-Այդ հարցի պատճառով ամեն օր ուշանում եմ....

Լսել եմ, որ պարբերաբար մարզասրահ եք այցելում, ի՞նչ եք անում, հոբի՞ է, թե՞ կազմվածքին եք հետեւում։
-Հաճելին օգտակարի հետ:

Ճակատագիր կա՞, թե մարդը ինքն է որոշում ինչպես ապրել: Ձեր դեպքում ինչպե՞ս էր:
-Աստվածահավատ եմ, բայց «на бога надейся а сам не плошай» սկզբունքով.
Սեղանի գիրքը կամ վերջին կարդացած գիրքը։
-Սեղանիս՝ Աստվածաշունչ: Ցավով պիտի նշեմ, որ աշխատանքային գերծանրաբեռնվածության պատճառով գիրք կարդալու ժամանակ չի մնում, վերջին կարդացածը՝ Ֆրանց Կաֆկա «Դատավարություն»։

Ընկերուհիներ ունե՞ք։
-Ընկերասեր եմ, իսկ լավագույն ու անկրկնելի ընկերուհին մայրս է:

Հնդկական, թե բրազիլական սերիալներ...ո՞րն եք նայում։
-Չեմ նայում:

Ձեր կյանքի հեքիաթը:
-Լինում է, չի լինում քիչ գործ, շատ ազատ ժամանակ:

Ինչո՞վ եք դուք տարբերվում մյուս կանանցից եւ դատավորներից։
-Հումորով վերաբերեմ հարցին՝ ես դեռ ոչ մի տղամարդու չեմ պատժել՝ ամուսնանալով ՃՃՃ: Իսկ դատավորներից՝ իմ տեսակով:

Բամբասանք ձեր մասին։ Հարեւանները ինչ են ասում։
-Էլ ինչ կին, որի մասին չբամբասեն.... Հարևաններս ինձ այնքան չեն տեսնում, որ երևի չեն էլ հիշում:

Ամենաշատը ինչ թեմաներով եք ստիպված լինում սուտ ասել կամ խաբել ինչ-որ մեկին:
-Ընկերներիս խոստանում եմ, որ մյուս շաբաթվա մեջ կհանդիպենք:

Երբեւէ ամաչե՞լ եք ինչ-որ ձեր արածի կամ ասածի համար:
-Ամաչում եմ, որ հանդիպման մյուս շաբաթը էդպես էլ չի գալիս։

Առավելություններ եւ թերություններ:
-Թերություն՝ էմոցիոնալ եմ, իսկ առավելությունների մասին ես համեստորեն կլռեմ, թող ճանաչողները մեկնաբանություններում նշեն Ճ:

Անկեղծ ասած…
-Անկեղծ ասած, անկեղծությունը վերացող երևույթ է դառնում:

Ո՞ւմ եք սիրում։
-Ընտանիքիս, ու հատկապես եղբորս որդուն՝ Տիգրանիս:

Ու՞մից եք դժգոհ։
-Դժգոհելով, բան չեմ փոխի...

Երբ զայրանում եք։
-Օօօօ ավելի լավ է չտեսնեք:

Երբ զարմանում եք։
-Ասում եմ՝ «Իյա իրոք»։

Դեր, որ երբեք չէիք խաղա։
-Այն դերը, որի համար ծափահարություններ և ՙբռավո՚ չեմ լսելու:

Հիասթափվում եւ հուսահատվում եք...։
-Հուսահատվելն իմ տեսակին բնորոշ չէ, իսկ հիասթափվելու համար շատ իրատես եմ:

Հավատում եք...
-Աստծուն։

Ֆոբիաներ։
-Օձ սողուն և նմանատաիպ մարդիկ:

Հոգսեր։
-Հաղթահարելի.

Արտասվում եք, երբ...
-Հիշում եմ.....

Երբեւէ ձեր սուրճի բաժակը նայե՞լ են, գուշակների այցելե՞լ եք:
-Տես պատասխան՝ 12

Լավագույն դիետան։
-Գուրմանն ուր, դիետան ուր:

Զանգ ԲԴԽ-ից
-Երբեք չի եղել:

Խորհրդակցական սենյակում։
-Խիղճ և օրենք հավասարակշռությունը պահելով:

Սնանկության դատարանի դատավոր Տիգրան Փոլադյանը Ձեզ հարցնում է՝ ինչ կասեք առաջինը, երբ հանդիպեք Աստծուն։
-Մեղա կգամ ու կհարցնեմ, թե որն է եղել իմ կյանքի ամենամեծ սխալը և ամենաճիշտ ընտրությունը:

Հարց շարքի հաջորդ անդամին:
-Որն է Ձեր երջանկության բանաձևը:

Շարքը՝ Ինգա Մարտինյանի

Այս թեմայով «Ռոմեո և Ջուլիետա» ներկայացման Ռոմեոյի դերը չէի խաղա, չեն էլ առաջարկում. բլից հարցազրույց դատավոր Զարուհի Նախշքարյանի հետ Ամենառոմանտիկ օրը՝ սիրո առաջարկությանս հաստատումն ստանալու օրը. Բլից հարցազրույց Սերգեյ Չիչոյանի հետ Դատավորի ներկայիս վարձատրության չափը թույլ չի տալիս օգտվել բրենդային հագուստներից. բլից հարցազրույց դատավոր Լիանա Հակոբյանի հետ Ինձ մեղավոր եմ զգում եղբորս հանդեպ, ով իմ փոխարեն հայրական ապտակ ստացավ. Բլից հարցազրույց դատավոր Ռուբիկ Մխիթարյանի հետ Ես ընկերներ ձեռք չեմ բերել, որ հիասթափվեմ. Բլից հարցազրույց դատավոր Գոռ Թորոսյանի հետ