Family portrait. DJ Ed Ward-ից՝ կառավարության աշխատակազմի ղեկավար. Էդուարդ Աղաջանյան

Արխիվ 6 Մայիս, 2019 6:02

Armdaily.am-ը շարունակում է իր «Family portrait» շարքը, որտեղ ներկայացնում ենք հայտնի պետական ու քաղաքական գործիչների ընտանիքների կենսագրությունը, ընտանեկան լուսանկարներ և այլ փաստեր:

Այս շաբաթ մեր հերոսը կառավարության աշխատակազմի ղեկավար Էդուարդ Աղաջանյանն է:

Ծնվել է 1988թ. oգոստոսի 29-ին Երևանում։ Աղաջանյանը եղել է Լեւոն Տեր-Պետրոսյանի նախընտրական շտաբի անդամ, ՔՊ հիմնադիր անդամ է, ընտրվել է կուսակցության վերահսկողության մարմնի անդամ, ապա ուսման նպատակով 2012-ին մեկնել է Մոնակո:

Էդուարդ Աղաջանյանը Մոնակոյի միջազգային համալսարանի բիզնես ադմինիստրացիայի ֆակուլտետի բակալավրի և ֆինանսական ակտիվների կառավարման ֆակուլտետի մագիստրոսի կոչումներ ունի:

Վերադարձից հետո ակտիվորեն ներգրավված է եղել կուսակցական գործունեության մեջ, մասնավորապես, 2016 թվականի ՏԻՄ ընտրություններին եղել է Նոր կյանք համայնքի գյուղապետ Գարիկ Սարգսյանի, ով ներկայում Արարատի մարզպետն է, նախընտրական շտաբի պետ։

Մասնագիտությամբ ֆինանսիստը մինչեւ կառավարության աշխատակազմի ղեկավարի պաշտոնը ստնաձնելը աշխատել է HSBC բանկում։

ÐÐ¾ÑÐ¾Ð¶ÐµÐµ Ð¸Ð·Ð¾Ð±ÑÐ°Ð¶ÐµÐ½Ð¸Ðµ

30–ամյա Աղաջանյանին մինչեւ նշանակումը քաղաքում շատերը ճանաչում էին որպես դիջեյ Ed Ward, որին կարելի էր հանդիպել Երեւանի ժամանցի կենտրոններում։

Ինչպես նշել է Աղաջանյանը հարցազրույցներից մեկում՝ քաղաքականության հանդեպ հետաքրքրությունը ձևավորվել է 2004 թվականից, երբ հետևել է Արամ Սարգսյանի եւ Ստեփան Դեմիրճյանի «Միասնություն» քաղաքական դաշինքի երթին՝ դեպի Բաղրամյան պողոտա։ Այն ժամանակ 15-ամյա Էդուարդը ականատես է եղել ծեծուջարդի, և սկսել է խորը մտածել քաղաքական հարցերի մասին:

Նիկոլ Փաշինյանի հետ Աղաջանյանը ծանոթացել է 2007 թվականին՝ «Իմպիչմենտ» դաշինքի ձեւավորման փուլում, և ակտիվորեն ներկգրավվել է քաղաքական պայքարի մեջ:

Էդուարդի հայրը գործարար է, մայրը՝ տնային տնտեսուհի, քույր ունի, որն ամուսնացած է, զբաղվում է երկու փոքրիկների դաստիարակությամբ։

Հարցազրույցներից մեկում Աղաջանյանը ասել է, որ պատանեկան տարիներից հետաքրքրված է սպորտով, երաժշտությամբ, ակտիվ, բայց ոչ չար պատանի է եղել, խնդիրներ չի ստեղծել ոչ ընկերների, ոչ էլ ընտանիքի համար։ Էդուարդը երազում էր ֆուտբոլիստ դառնալու մասին, պարապում էր, ասում էր՝ վատ չէր ստացվում, սակայն առողջական խնդրի պատճառով ստիպված է եղել հրաժարվել ֆուտբոլային երազանքից, հետո թենիսով է զբաղվել, որը եւս հաջողել է, բայց առողջական նույն խնդրի պատճառով դա էլ է կիսատ թողել։

Կառավարությունում Աղաջանյանը առանցքային դեմքերից մեկն է: Մամուլում նրա անունը ասոցացվում է այս կամ այն պաշտնում մարդկանց նշանակելու լուրերի, կառավարության մի շարք ախատակիցների ազատման և ՊՎԾ պետի պաշտոնում Արգիշտի Քյարամյանի թեկնածության առաջադրման հետ:

Նշանակումից հետո սոցիալական ցանցերում քննարկվում է Էդուարդ Աղաջանյանի ընտանիքին պատկանող բիզնեսի հարցը: Ըստ այդ հրապարակումների՝ Էդուարդ Աղաջանյանի հայրը «Զիգզագ» ընկերության սեփականատեր՝ Արթուր Աղաջանյանն է:

Վերջերս մամուլում ակտիվորեն քննարկվում է այն փաստը, որ «Զիգզագ» ընկերությունը ՀԴՄ կտրոն չի տալիս հաճախորդներին:

ՊԵԿ նախագահ Դավիթ Անանյանը անդրադարձել էր այս հարցին և ընդգծել, որ «Զիգզագ»-ն ունի օրինապահ վճարողի վարքագիծ:

Շարքի նախորդ հերոսները՝

Շարքը՝ Արփինե Պետրոսյանի: