Հայաստանը շարունակեց մնալ ՀԱՊԿ անդամ․ ինչո՞ւ․ Հայկ Մարտիրոսյան

 

Ինչո՞ւ:

 

Պատասխանը պարզ է: Որպես ՀԱՊԿ անդամ և Ռուսաստանի ռազմական «դաշնակից»` Հայաստանը չի կարող որևէ ռազմական օգնություն ստանալ ԱՄՆ-ից և Արևմուտքից ընդհանրապես: Դա պարզապես անհնար է: Պուտինը Փաշինյանին իշխանության մնալու երաշխիքներ է տվել` պայմանով, որ Հայաստանը շարունակի մնալ ՀԱՊԿ անդամ: Ինչու՞: Որովհետև միայն այդ պարագայում է հնարավոր Ադրբեջանի հարձակումը Հայաստանի վրա լիակատար հաջողությամբ պսակել:

 

ԱՄՆ-ը ցույց տվեց, որ դիվանագիտական պաշտպանության տակ է առել Հայաստանին: Բայց դիվանագիտության հնարավորություններն անսահման չեն: Եվ երբ դավաճանը տնից է` տունը հարևանին հանձնելը ամենևին խնդիր չէ:

Բացի այդ` դիվանագիտական արդյունավետ, լիակատար աջակցություն հնարավոր է լինում միայն ապահովել գետնի վրա ռազմական և քաղաքական ակտիվ և էֆեկտիվ դիմադրության պարագայում և պայմաններում միայն: Միայն:

 

Առայժմ ԱՄՆ-ին հաջողվում է դիվանագիտական և քաղաքական ճնշմամբ պահպանել Հայաստանի հայկական մնացած կենսական շրջանները, բայց դա չի կարող ստատուս քվոյով երկար տևել: Գետնի վրա Հայաստանի կողմից քայլեր են անհրաժեշտ, որոնք չկան և այս ռեժիմի պայմաններում չեն էլ լինելու:

 

Գետնի վրա իրավիճակ կարող է փոխել ժողովուրդը: Բայց հայ ժողովուրդը, իհարկե, արդեն ցույց է տվել, որ իրեն Հայաստանը պետք չէ և որ ինքն անկարող է հասկանալ, որ իր դավաճանակն ռեժիմը փոխողը միայն ինքն է և իրեն փրկողն էլ ոչ թե դրսից է անվերջ ու միայնակ գործելու, այլ ինքը պետք է դրսից եկողին ներս թողնի, որ օգնություն ստանա:

 

Ոչինչ չանելով մունաթ ենք գալիս, պահանջում պատժամիջոցներ սահմանել թշնամու վրա և սեփական ռեժիմի առաջնորդների հետ չշփվել: Իսկ մենք ինքներս նստած ենք մեր իսկ ձեռքերի վրա և ոչինչ չենք անում:

 

Ոչինչ չենք անում»: