Եթե ամբողջական ձայնագրությունը Ռուբեն Վարդազարյանը ներկայացնի, ապա դա նրա համար լուրջ հետևանքներ կարող է ունենալ. Գագիկ Ջհանգիրյան

Եթե ամբողջական ձայնագրությունը ԲԴԽ արդեն նախկին նախագահ Ռուբեն Վարդազարյանը ներկայացնի, ապա դա նրա համար լուրջ հետևանքներ կարող է ունենալ։ Այս մասին այսօր՝ հունիսի 23-ին, Հանրային հեռուստաընկերության եթերում ասաց ԲԴԽ նախագահի պաշտոնակատար Գագիկ Ջհանգիրյանը՝ անդրադառնալով օրեր առաջ հրապարակված աղմկահարույց ձայնագրությանը:

Նրա խոսքով՝ այն, ինչ իրեն է  վերաբերվում Վարդազարյանը ծաղկաքաղ է արել ու ներկայացրել:

Պատասխանելով այն հարցին, թե արդյոք չի պատրաստվում հրաժարական տալ, Ջհանգիրյանն ասաց.«

Ես իմ կյանքում ընդհանրապես երեք անգամ եմ հրաժարական տվել։ Մեկը 97 թվականին է եղել, երբ արդարադատության նախարարության առաջին տեղակալն եմ եղել, մյուսը 2000 թվականին է եղել, երբ զինվորական դատախազ էի,  իսկ վերջինը 2008-ին է եղել,երբ եկել եմ հրապարակ ու միացել համաժողովրդական շարժմանը։ Այսինքն որևէ քաղաքական ուժի, դաշինքի պարտադրանքի արդյունքում երբեք հրաժարական չեմ տվել»,- ասաց նա։

Անդրադառնալով  ձայնագրության մեջ հնչած  «վզիս դրված է» արտահայտությանը, վերջինս ասաց.«Հայտնի ձայնագրության մեջ ես պարզապես ասում եմ, որ դատական բարեփոխումների խնդիրը իմ ամբողջ կյանքի ընթացքում իմ առաքելությունն է եղել։ Վզիս դրածը, կոպիտ ասած, իմ ճիտին պարտքն է։ Դա իմ խիղճն է, այսինքն՝ ես ինքս ստանձնել եմ կամավոր բարեփոխման ընթացքի կատարումը տեսական հիմքերի շարադրումը, դա ես ստանձնել եմ 1990 թվականից։ Որ ասում եմ՝ «վզիս դրած» է, ես նկատի ունեմ, որ դա իմ առաքելությունն է, իմ կոչումն է, ոչ թե որևէ մեկն է ինձ պարտադրել»։

Մանրամասները՝ տեսանյութում․