Փորձել եմ երգել սերենադ, լավ ծիծաղել ենք. բլից հարցազրույց դատավոր Սուրեն Մնոյանի հետ

ArmDaily.am-ը «Խորհրդակցական սենյակում» շարքի շրջանակներում շարունակում է բացահայտել դատավորներին:

Այս անգամ մեր բլից հարցերին պատասխանել է Արագածոտնի մարզի ընդհանուր իրավասության դատարանի դատավոր Սուրեն Մնոյանը։

Ինչո՞ւ տիեզերագնաց չդարձաք։

-Ծնողներս դեմ էին։

Պատռված տաբատ, մեծ եղբոր հագուստը հագնել, ճաշարանի գումար ուզել...նորմալ մանկություն եք ունեցե՞լ։

-Մեծ եղբայր չեմ ունեցել, մանկությունից չեմ դժգոհում։

Հայրական խրատ։

-Լինել ազնիվ, վստահելի։

Ամեն օր դատում եք, գիշերը հանգի՞ստ եք քնում։

-Արդար չդատեմ, հանգիստ չեմ քնի։

Հարեւանները ի՞նչ են ասում։

-Ասում են՝ լավ է լինելու։

Ե՞րբ են գտնելու X-ը։

-Y-ից առաջ։

Եթե Հայաստանում բազմակնություն լիներ, քանի՞ կին կունենայիք։

-Հենց լինի, կհաշվեմ։

Առաջին համբույր...

-էմոցիաներով լի։

Սաունա՞, թե՞ գիշերային ակումբ...։

-Նայած տրամադրության։

Սերենադ երգե՞լ եք։

-Փորձել եմ, լավ ծիծաղել ենք։

Խարույկ, կիթառ...եւ ով...։

-Հաճելի մարդիկ։

Գոգեն, Մարտիրոս Սարյան, թե Կանդինսկի։

-Տարբեր են եւ անկրկնելի, եթե հայ՝ իհարկե Սարյան։

Սիրելի կերակուր։ Ձվածեղից բացի՝ ինչ կարող եք պատրաստել։

-Ֆրի տատա, իսպանական կերակուր է, ձվածեղ բանջարեղենով։

Քանի ծխախոտ օրական։

-Չեմ հաշվում։

Վիսկի, թթի օղի, թե թան... ։

-Վիսկի։

Երեխաները ինչ կարգավիճակ ունեն։

-Արտոնյալ

Տանը վկա եք, մեղադրող, թե ամբաստանյալ։

-Պատասխանող։

Ո՞ւմ ինքնաբացարկ կհայտնեիք։

-Չեմ հայտնվել այդ իրավիճակում դեռ։

Ակամայից ստացած կաշառք։

-Սպասում եմ դեռ, որ բարձր թոշակ տան։

Ոսկե ձկնի՞կ, թե՞ կախարդական փայտիկ։

-Ոսկե ձկնիկ։

Ինչքան փող է ձեզ պետք...։

-Բավարար

 Ձեր երջանկությունը։

-Ստեղծածի դրական արդյունքը տեսնելու մեջ։ 

Սեռական փոքրամասնություններին ձեր վերաբերմունքը։

-Ընդունում եմ մարդկանց այնպիսին, ինչպիսին կան։ 

Ձեզ կինոյի, գրքի ո՞ր հերոսինն եք նմանեցնում։

-Արամիսին։

Կյանքի իմաստը։

 -Կա անցյալ,ներկա եւ ապագա, ցանկացած փուլում լինել պիտանի եւ թողնել դրական հետք։

Բամբասանք ձեր մասին։

 -Առանց դրա հետաքրքիր չի լինի։

Ինչի՞ համար եք զղջում։

-Որ տիրեզերագնաց չեմ դարձել։

Ո՞ւմ եք սիրում։ 

–Հարազատներիս, ընկերներիս եւ էլի մարդկանց

Ումի՞ց եք դժգոհ։

-Մեծ է ցուցակը, առաջին հերթին ինքս ինձ։

Երբ զայրանում եք։

-Փորձում եմ գնահատել...։

Երբ զարմանում եք...։

-Փորձում եմ հասկանալ...։

Դեր, որ երբեք չէիք խաղա։

-Մեֆիստոֆել։

Հիասթափվում եւ հուսահատվում եք...։

-Կարճ ժամանակով։

Վախենո՞ւմ եք...։

-Երբեմն։

Հավատում եք...։

-Անպայման

Հոգսեր։

-Շատ։

Չիրականացած երազանք։

 –Ռոմանտիկ եմ, բայց ոչ այդքան։

Թուլություններ, թերություններ։

-Կատարյալ չեմ։

Զանգ ԲԴԽ-ից։

-Սպասե՞մ

Խորհրդակցական սենյակում։

-Սուրճ։

Ալլա Պուգաչովա, թե Շակիրա։

-Ֆրեդի Մերկուրի, Բիջիս ։

Հարց շարքի հաջորդ անդամին։

-Ինչ կա չկա։   

Մեր շարքի նախորդ մասնակիցը՝ Վարչական դատարանի դատավոր Անի Հարությունյանը՝ ի՞նչ եք եղել նախորդ կյանքում։

-Սա դեռ առաջինն է ։

Խորհրդակցական սենյակում»  շարքին մասնակցել են Ալեքսանդր Ազարյանը, Գագիկ Հովհաննիսյանը , Քրիստինե Մկոյանը , Գեւորգ Նարինյանը , Անի Հարությունյանը ։

Շարքը՝ Ինգա Մարտինյանի