«Խորհուրդներ սեքսոլոգից». Սեռական անկարողությունը. ինչպես կարելի է նվազեցնել խնդրի զարգացման ռիսկերը (18+)

ArmDaily.am-ը շարունակում է «Խորհուրդներ սեքսոլոգից» շարքը, որի շրջանակներում Հայ-Ամերիկյան Առողջության կենտրոնի սեքսոպաթոլոգ, բ.գ.թ. դոցենտ Սևադա Հակոբյանի հետ զրուցում ենք մեր ընթերցողներին հուզող կարևոր հարցերի մասին:

Այս անգամ կփորձենք պարզել՝ ինչ է սեռական անկարողությունը. որոնք են խնդրի ի հայտ գալու նախանշանները, ինչպես կարելի է նվազեցնել խնդրի զարգացման ռիսկերը և ինչպես է իրականացվում բուժումը:

Էրեկտիլ դիսֆունկցիան կամ սեռական թուլությունը (նախկինում՝ իմպոտենցիա ) տղամարդկանց սեռական ֆունկցիայի խանգարում է, որի դեպքում սեռական հարաբերությունների համար տղամարդը անկարող է լինում բավարար էրեկցիայի հասնել և պահպանել այն։

Այս սեռական խանգարումներն ամենատարածվածն են աշխարհում։

Խնդիրը հանդիպում է 40-70 տարեկան տղամարդկանց 52% -ի մոտ: 30 տարեկանից բարձր տարիք ունեցող տղամարդկանց 20% -ը էրեկցիայի հետ կապված դժվարություններ է ունենում։ Էրեկտիլ դիսֆունկցիան ծխողների մոտ 20% -ով ավելի տարածված է, քան չծխողների մոտ։

Գրեթե յուրաքանչյուր տղամարդ իր կյանքի ընթացքում գոնե մեկ անգամ ունեցել է էրեկցիայի խանգարում:

Բոլոր տղամարդիկ պետք է հիշեն, որ գոյություն ունեն որոշակի ռիսկային գործոներ էրեկտիլ դիսֆունկցիայի զարգացման համար։ Դրանց շարքին են դասվում.

Քաշի ավելացումը

Ծխախոտի և ալկոհոլի չարաշահումը

Որոշ դեղամիջոցների օգտագործումը

Դեպրեսիվ վիճակը

Հորմոնալ խանգարումները

Վիտամինային արտահայտված անբավարարությունը

Սեռական անհաջողության սպասման տագնապային վիճակները

Էրեկցիայի խանգարումը կարող է հանգեցնել նաև վաղաժամ սերմնաժայթքման, սեռական ցանկության նվազման և այլ սեքսուալ խանգարումների:

Ուստի սեքսուալ խնդիրների ժամանակին ախտորոշումն ու սեքսոլոգիական բուժումն է լինում արդյունավետ, կանխելով նաև այլ սեքսուալ խնդիրների և զույգի սեքսուալ աններդաշնակության առաջացումը:

Այս թեմայով «Խորհուրդներ սեքսոլոգից». Ինչպես ազատվել բարդույթներից սեքսում (18+) «Խորհուրդներ սեքսոլոգից». Երբ է դրվում անպտղություն ախտորոշումը և երբ է պետք դիմել բժշկի (18+) «Խորհուրդներ սեքսոլոգից». Ինչ է վագինիզմը և ինչու է առաջանում (18+) «Խորհուրդներ սեքսոլոգից». Կանանց և տղամարդկանց ինչ հոգեսեքսուալ տեսակներ են առանձնացնում (18+) «Խորհուրդներ սեքսոլոգից». Ինչ վտանգներ է պարունակում սեռական կյանքից հրաժարվելը (18+)