Ինչ ունեցվածք ունի Հայկ Մարությանը

ArmDaily.am-ը «Հայտարարագիր» շարքում այս անգամ կներկայացնի Երևանի քաղաքապետ հայկ Մարությանի հայտարարագիրը:

Ով է Հայկ Մարությանը

Ծնվել է 1976թ. դեկտեմբերի 18-ին Երևանում:
1983-1990թթ. սովորել է Երևանի թիվ 83 միջնակարգ դպրոցում:
1993թ.ավարտել է Անանիա Շիրակացու անվան ճեմարանը:
1997թ. ավարտել է Երևանի Պետական Ճարտարագիտական Համալսարանը:
1997-1998թթ. ծառայել է ՀՀ ԶՈւ-ում:
1998-2002թթ. աշխատել է «Շարմ» ընկերությունում որպես սցենարիստ, ռեժիսոր և դերասան:
Խաղացել է «Հայկական նախագիծ» ՈՒՀԱ թիմում:
2004թ. հանդիսացել է «Կարգին ստուդիա» ընկերության համահիմնադիր, որտեղ աշխատել է որպես պրոդյուսեր, ռեժիսոր, դերասան և սցենարիստ:
2018թ. հունիսից «Քաղաքացիական պայմանագիր» կուսակցության անդամ է:
2018թ. սեպտեմբերի 23-ին կայացած Երևանի ավագանու ընտրությունների արդյունքներով ընտրվել է Երևանի քաղաքապետ:
Ամուսնացած է, ունի չորս երեխա:

Ունեցվածքը

Մարությանը 2020 թվականի հայտարարագիրը ներկայացրել է այս տարի մայիսի 31-ին։

Նա հայտարարագրել է 6 ավտոկայանատեղի, որից 2-ը՝ Երևանի Կենտրոնում, իսկ 4-ը՝ Չեխիայի Հանրապետությունում, 7 բնակարան՝ բազմաբնակարան բնակելի շենքում, որից 2-ը՝ Երևանի Կենտրոնում, իսկ 5-ը՝ Չեխիայի տարբեր քաղաքներում. 2 հողամաս Չեխիայում, 1 առանձնատուն Չեխիայում, 5 հողին ամրակայված այլ անշարժ գույք Չեխիայում:

Մարությանը հայտարարագրել է նաև արժեթղթեր՝ 5,000, 7,500 և 25,000 ՀՀ դրամ:

Տարվա սկզբին Մարութայնի բանկային հաշվի մնացորդը կազմել է 18,165,000 դրամ, 5,867 դոլար, 312 եվրո և 1,501,975 չեխական կրոնա, որը տարվա վերջում դարձել է 7,746,577 դրամ, 5,819 դոլար, 302 եվրո, 1,763,044 չեխական կրոնա: Ունեցել է 4,000,000 դրամ, 180,000 դոլար, 9,500 եվրո, 74,000 չեխական կրոնա կանխիկ գումար, տարվա վերջում այն դարձել է 3,000,000 դրամ, 205,000 դոլար, 9,000 եվրո, 74,000 չեխական կրոնա:

Մարությանը նաև հայտարարագրել է 5,163,289 դրամ աշխատանքի վարձատրություն, որը ստացել է Երևանի քաղաքապետարանից, 12,227,561 դրամ, որը ստացել է «Նիկիտա Մոբայլ»-ից, ինչպես նաև 1,199,200 չեխական կրոնա  վարձակալությունից