Դպրոցում միայն վարքից եմ 2 ստացել. բլից հարցազրույց դատավոր Գեւորգ Նարինյանի հետ

ArmDaily.am-ը «Խորհրդակցական սենյակում» շարքի շրջանակներում շարունակում է բացահայտել դատավորներին:

Այս անգամ մեր բլից հարցերին պատասխանել է  Սնանկության դատարանի դատավոր Գեւորգ Նարինյանը։

Մանկություն իմ...

-Ջերմ ու անհոգ։

Դպրոցում անկյուն կանգնե՞լ եք...

-Ոչ։  

Ո՞ր առարկայից էիք .2 ստացել։

-Միայն վարքից...))։

Եղե՞լ է քննություն, որ կտրվել եք։

-Երկրորդ մասնագիտությունից՝ նյութերի դիմադրություն /сопромат/ առարկայից։

Բանակում մականուն ունեցե՞լ եք։

-Ոչ

Դրամապանակում կամ սեղանին ո՞ւմ նկարն է։

-Սեղանին՝ ընտանիքիս, դրամապանակում՝ հայ մեծերի)))։

Լրագրողները դատավորների բարեկամներն են, թե...ՃՃՃ։

-Երբեմն, նույնիսկ կինը ))))։

 Ձեր կինը հանրության հայտնի մարդ է, դուք՝ շարքային դատավոր...ում ումով են ճանաչում...։

-Նայած որտեղ։

Երեխաները դատավո՞ր են դառնալու։

-Իրենք են որոշելու

Թվարկեք ձեր ամենալավ եւ վատ հատկանիշները:

-Պահանջկոտությունը

Ձեր բնավորության ո՞ր հատկանիշների շնորհիվ եք շահել եւ որո՞նց պատճառով եք տուժել։

 –Տես նախորդ պատասխանը։

 Ձեր հաջողության գաղտնիքը ո՞րն է: Օրինակ` հնարավոր է ինչ-որ թալիսմաններ եք պահում նախնիններից մնացած:

-Սնահավատ չեմ, հաջողելը աշխատանքի արդյունք է, սովորաբար։

Կարգախո՞ս ունեք:

-Կյանքի տարբեր փուլերում՝ տարբեր։

Դուք գոհ եք ձեր կայացրած որոշումներից, եղել է, որ գիշերը չքնեք անխնա դատելու համար։

-Խնամքով եմ դատել։

Եթե նորից ծնվեիք, ինչպե՞ս կապրեիք:

-Ինչպես հիմա։

 Ձեր ամենամեծ հաղթանակը եւ պարտությունը:

-Երևի կյանքի մեծ կռիվը դեռևս չեմ տվել։

Ամենաշատը ո՞ւմ եք սիրում այս կյանքում ձեզնից առաջ կամ ձեզնից հետո:

- Զավակներիս։

Ովքե՞ր են ձեզ հիասթափեցրել։

-Ստողները։

Ի՞նչը կարող է ձեզ հուսահատեցնել:

-Հիմարությունը։

Ուրախությունը եւ տխրությունը ինչպե՞ս են դրսեւորվում:

-Բուռն

Ձեր երջանկությունը գո՞ւյն ունի:

-Փայլուն է։

Ի՞նչը կարող է ձեզ նյարդայնացնել, հունից հանել:

-Էլի առաջին տեղում հիմարություն է։

 Ձեր կյանքի ամենահամարձակ քայլը:

-Դեռ չեմ արել։

Ձեր մասին ամենանհեթեթ բամբասանքը:

-Չկա, կամ երևի ինձ չի հասել։

Ամենամեծ սուտը, որ ասել եք:

-Սուտ կա ՝ ճիշտ արժե։

 Մենախոսությունները ի՞նչ թեմաների շուրջ են եւ դրանք ավարտվո՞ւմ են «ինքնահաշտությամբ»:

-Երբեմն անգամ կռվով։

Ձեր սիրելի անեկդոտը կպատմե՞ք:

-Գրավոր՝ հետաքրքիր չէ, առիթ կլինի, կպատմեմ բանավոր։

Համաշխարհային հայտնի կանանցից ո՞ւմ գեղեցկությամբ եք հիանում:

-Հիանում եմ բոլոր գեղեցիկ կանանցով։

Ձեր կյանքի կանայք...ինչպիսի՞ն են նրանք, ի՞նչն եք գնահատում եւ հավանում կնոջ մեջ եւ ի՞նչն է ձեզ նյարդայնացնում նրանց մեջ:

-Կյանքիս երեք կարևոր կանայք՝ մայրս, կինս, դուստրս։ Գնահատում եմ ինտելեկտն ու կանացիությունը, կնոջ հետ անհամատեղելի եմ համարում առնականությունը։

Ինչպե՞ս հանդիպեցիք ձեր կնոջը եւ ինչպե՞ս գերեցիք նրա սիրտը:

-Շա՜տ զգույշ

Ձեր կյանքի ամենառոմանտիկ օրը: Ի՞նչ խենթություններ եք արել հանուն սիրելիի:

-Միշտ մի քիչ խենթ լինելը որևէ մեկին չի խանգարի։

Ձեր ընտանիքի անդամները ինչի՞ համար են ձեզ նախատում:

-Խիստ լինելու։

Ի՞նչ կերակուրներ եք սիրում, ի՞նչ եք կարողանում պատրաստել:

-Սիրում եմ համեղ ու սիրուն կերակուրներ։ Ընտիր թեյ եմ պատրաստում։

Չասված խոսքեր եղե՞լ են Ձեր կյանքում…Ուզո՞ւմ եք հիմա` այս հարցազրույցի շրջանակներում, ինչ-որ մեկին մի բան ասել, խոստովանել կամ հայտարարել։

-Մտածածս ու զգացածս հիմնականում ասում եմ, չնայած շատերին կարող է դուր չգալ։

Մուրճ, թե մանգաղ...

-Փոցխ։

 Զանգ ԲԴԽ-ից, ինչպես դիմադրել։

-Դուխով։

Խորհրդակցական սենյակում։

-Եւ ամենուր՝ անաչառ։

Ամենամեծ կաշառքը, որից հրաժարվել եք, եւ ամենափոքրը, որ ակամայից վերցրել եք։

-Երկրում՝ որտեղ կոռուպցիան արմատախիլ է արված, նման հարցեր չեն ծագում

Հարց շարքի հաջորդ մասնակցին։

-Քրդերը պետականություն կունենա՞ն վե՞րջը։

Մեր շարքի նախորդ անդամը՝ Քրիստինե Մկոյանը Ձեզ հարցնում է՝ ձեր կյանքի ամենաերջանիկ պահը։

-Երջանկությունը երջանկացնելու մեջ է, այդպիսի պահերը շատ են։

«Խորհրդակցական սենյակում»  շարքին մասնակցել են Ալեքսանդր Ազարյանը , Գագիկ Հովհաննիսյանը , Քրիստինե Մկոյանը 

Շարքը՝ Ինգա Մարտինյանի