Family portrait. Փաշինյանների ընտանիքը. մաս երկրորդ
Արխիվ
Armdaily.am-ը շարունակում է իր «Family portrait», որտեղ ներկայացնում ենք հայտնի պետական ու քաղաքական գործիչների ընտանիքների կենսագրությունը, սոցիալական ակտիվությունը և այլ փաստեր:
Մեր նախորդ հոդվածում արդեն անդրադարձել էինք վարչապետ Նիկոլ Փաշինյանին և նրա կնոջը՝ Աննա Հակոբյանին: Այժմ հերթը նրանց երեխաներինն է:
Մարիամ Փաշինյան
Վարչապետի ավագ դուստրը ծնվել է 1998 թվականի նոյեմբերի 14-ին: Սովորել է Մխիթար Սեբաստացի կրթահամալիրում: Իսկ այս տարի ամռանը ավարտել է Էստոնիայի Տարտուի համալսարանը, որը նախկին Դորպատի համալսարանն է:
Ինչպես Նիկոլ Փաշինյանն է նշել հարցազրույցներից մեկի ժամանակ, Մարիամը ակտիվ հետաքրքրվել է քաղաքականությամբ, բայց ժամանակի ընթացքում քաղաքականությունը դուրս է եկել նրա հետաքրքրությունների շրջանակից:
Մարիամը շատ ակտիվ սոցիալական ցանցերի օգտատեր է: Նրա ֆեյսբուքյան և ինստագրամյան հրապարակումներից կարելի է ենթադրել, որ նա շատ է սիրում սուրճ խմել:
Աշոտ Փաշինյան
Նիկոլ Փաշինյանի միակ որդին ծնվել է 2000 թվականի մարտի 11-ին: Ինչպես Ավագ քույրը այնպես էլ, Աշոտը սովորում է Տարտուի համալսարանում:
Ներկայում Աշոտը ծառայում է Արցախի պաշտպանության բանակում:
Մինչ զորակոչվելը Աշոտը սոցիալական կայքերի ակտիվ օգտատերեր էր: Զորակոչվելուց հետո միայն արձակուրդի ժամանակ է նա հրապարակում արել իր ֆեյսբուքյան էջում, այն էլ փոխել է միայն էջի գլխավոր նկարը:
Շուշան Փաշինյան
Շուշանը ծնվել է 2007 թվականի հուլիսի 17-ին: Սովորում է Մխիթար Սեբաստացի կրթահամալիրում:
Շուշանը ունի իր յութուբյան ալիքը և շատ հայտնի բլոգեր է: Ունի 30 հազարից ավել հետևորդ, իսկ նրա հրապարակած տեսանյութերը 90 հազարից ավել դիտումներ են ունենում:
Արփի Փաշինյան
Փաշինյանների ընտանիքի կրտսեր զավակը՝ Արփին ծնվել է 2015 թվականի օգոստոսի 17-ին:
Չնայած փոքր տարիքին՝ Արփին արդեն դարձել է համացանցի աստղ, ոչ միայն քրոջ՝ Շուշանի տեսանյութերում հայտնվելով, այլև «Այսօր իմ ծնունդն է» երգի կատարումով:
Իր կայքէջում Աշոտ Բլեյանը պատմել է, որ իրենց հարսանիքի ժամանակ Աննա Հակոբյանը խոստացել է Նիկոլ Փաշինյանին 4 զավակ պարգևել:
Փաստորեն վարչապետի տիկինը պահպանել է իր խոստումը:
Շարքը՝ Արփինե Պետրոսյանի
