Թուլությունս շոկոլադն է, թերությունս՝ կեղծավորությունը չհանդուրժելը. Բլից հարցազրույց դատավոր Քրիստինե Մկոյանի հետ

ArmDaily.am-ը «Խորհրդակցական սենյակում» շարքի շրջանակներում շարունակում է բացահայտել դատավորներին։

Այս անգամ մեր բլից հարցերին պատասխանել է Վարչական վերաքննիչ դատարանի դատավոր Քրիստինե Մկոյանը։ 

Մանկական խաղեր։
-Տուն-տունիկ, ցատկապարան, բժիշկ-բժիշկ...

Բժիշկ, ուսուցիչ չդարձաք, դարձաք դատավոր, ինչու։ 

-Արդարադատության իրականացման կանչը թույլ չտվեց:

Ծնողական խրատ։  
-Լինել ազնիվ, հարգել և օգնել մարդկանց:

Դպրոցում արտասվե՞լ եք գնահատականի համար։ 
-Այո

Երկրպագուներ 
-Եղել են

Խենթ քայլեր, որ արել են ձեզ համար։ 
-Դժվարանում եմ մտաբերել:

Օծանելիք, զարդեր...ձեր թուլությունը: 
-Օծանելիք:

Ամենաշատը ինչքան գումար եք ծախսում շոփինգի ժամանակ։ 
-Կդժվարանամ նշել գումարի չափը, սակայն լինում են դեպքեր, երբ ծախսում եմ այդ պահին ինձ մոտ եղած ամբողջ գումարը:

Հայտնի բրենդներ, թե կարելի է գնումներ կատարել նաեւ տոնավաճառներից։ 
-Վստահում եմ հայ դիզայններներին, իսկ երկրից դուրս շոփինգ անելիս նախապատվությունը տալիս եմ կանացի յուրօրինակ մոդելներին և ոչ թե անվանումներին:

Սիրելի ուտեստ։ 
-Հարիսա։

Տղամարդու ձեր իդեալը։ 
-Որդիս
Խոհանոցում քանի ժամ եք անցկացնում, ինչ եք լավ պատրաստում եւ ինչ չեք կարողանում պատրաստել։ 
-Ամեն օր գրեթե երկու ժամ: Ասում են, որ լավ ստացվում է պիցցան, իսկ իշլի քյուֆթա, կարծում եմ, չի ստացվի:

Բուրդ ճիպոտել,  գորգ լվանալ, պահածո, չիր պատրաստել... 
-Գորգ լվանալ:

Ձեր տանը կարգավիճակները ինչպես են բաշխվում՝ վկա, ամբաստանյալ, մեղադրող, տուժող, դատավոր։
-Տանը պարզապես կին եմ և մայրիկ:

Սիրելի գիրքը։ 
-Ռեմարկ «Հաղթական կամար»:

Ֆիլմի որ հերոսուհին եք դուք։ 
-Մերի Փոփինս

Ում ինքնաբացարկ կհայտնեիք։ 
-Իր աշխատանքը չսիրող մասնագետին:

Ակամայից ստացած կաշառք։ 
-Որդուս համբույրը 

Եթե ոսկե ձկնիկ ունենայիք: 

-Հայաստան աշխարհում չլինեին մանկատներ ու հիվանդ երեխաներ:

Ինչքան փող է ձեզ պետք։  

-Այնքան, որքան դրա պակասը չզգամ:

Ձեր երջանկությունը: 

-Ուժեղ և զարգացած հայրենիք, սիրով լի ընտանիք:

Բախտագուշակի այցելե՞լ եք, հավատո՞ւմ եք։

-Ես հայ առաքելական եկեղեցու հետևորդ եմ:

Եթե սկսեիք սկզբից, ինչ կփոխեիք... 

-Շնորհակալ եմ Աստծուն այն ամենի համար ինչ ունեմ և ինչին հասել եմ:

Կյանքի դասեր։  

-Շարունակում եմ քաղել:

Բամբասանք ձեր մասին։ 

-Հիշում եմ միայն լավը, այդ պատճառով չեմ մտաբերում:

Ինչի՞ համար եք զղջում: 

-Անիմաստ երևույթների վրա վատնածս ժամանակի համար:

Ո՞ւմ եք սիրում: 

-Ամուսնուս

Ու՞մից եք դժգոհ:

- Դժգոհելն իմը չէ:

Երբ զայրանում եք: 

-Մեկուսանում եմ:

Երբ զարմանում եք... 

-Զարմանքս չի թաքցվում:

Դեր, որ երբեք չէիք խաղա: 

-Դավաճանի դեր:

Հիասթափվում եւ հուսահատվում եք... 

-Հիասթափվում եմ ստից, փորձում եմ չհուսահատվել:

Վախենո՞ւմ եք.. 

-Հիասթափությունից:

Հավատում եք... 

-Արդարությանը:

Հոգսեր...

-Կցանկանայի բացասական պատասխան տալ, սակայն հնարավոր չէ:

Չիրականացած երազանք 

-Չմշկել:

Թուլություններ, թերություններ:

-Թուլությունս շոկոլադն է, թերությունս՝ կեղծավորությունը չհանդուրժելը:

Զանգ ԲԴԽ-ից: 

-Չեն եղել:

Խորհրդակցական սենյակում։ 

-Բուռն բանավեճեր:

Հարց շարքի հաջորդ անդամին: 

Ձեր կյանքի ամենաերջանիկ պահը:

Եւ մեր շարքի նախորդ մասնակիցը՝ Գագիկ Հովհաննիսյանը ձեզ հարցնում է՝ տեսար ինչ եղավ։

Պատասխանը հավանաբար Թաթա Սիմոնյանից ակնկալենք։

«Խորհրդակցական սենյակում»  շարքին մասնակցել են Ալեքսանդր Ազարյանը , Գագիկ Հովհաննիսյանը  

Շարքը՝ Ինգա Մարտինյանի