Ի՞նչ փաստաթղթեր են ներկայացվում ամուսնության պետական գրանցման համար. Պարզաբանում

ArmDaily.am-ի «Պ՚արզաբանում» շարքի շրջանակում կանդրադառնանք ամուսնության ձեւակերպման իրավական ընթացակարգերին։

Եւ այսպես, ի՞նչ փաստաթղթեր են ներկայացվում ամուսնության պետական գրանցման համար, խնդրում եմ անդրադառնալ նաեւ օտարերկրացիների հետ ամուսնությանը։

Պատասխան
Ամուuնության պետական գրանցման համար անհրաժեշտ է.

1. ամուuնացող անձանց համատեղ գրավոր դիմումը (ձևանմուշը կարող եք ձեռք բերել Հայաստանի Հանրապետության արդարադատության նախարարության կայքից՝ www.moj.am հասցեով կամ ՔԿԱԳ մարմնից).

2. ամուսնացող անձանց անձը հաuտատող փաuտաթղթեր.

3. նախորդ ամուuնության դադարման մաuին փաuտաթուղթը, եթե անձը նախկինում գտնվել է ամուuնության մեջ (օրինակ՝ ամուսնալուծության վկայական, ամուսնու մահվան վկայական կամ ամուսնությունն անվավեր ճանաչելու մասին դատարանի օրինական ուժի մեջ մտած վճիռ, օտարերկրյա պետության դատարանի կողմից կայացված ամուսնալուծության մասին օրինական ուժի մեջ մտած վճիռ և այլն)։

Ամուuնության պետական գրանցումն իրականացվում է ՔԿԱԳ տարածքային մարմին համատեղ դիմում տալու oրվանից 10 օր հետո: Ամուսնության գրանցման համար գանձվում է պետական տուրք՝ 1000 ՀՀ դրամի չափով:

Ի՞նչ կարգով է և ո՞ր մարմինն է իրականացնում օտարերկրացու մասնակցությամբ ամուսնության պետական գրանցումը

Հայաստանի Հանրապետությունում օտարերկրյա քաղաքացիների, քաղաքացիություն չունեցող անձանց, օտարերկրյա պետությունում մշտապես բնակվող Հայաստանի Հանրապետության քաղաքացիների ամուսնությունը միմյանց կամ Հայաստանի Հանրապետության քաղաքացիների հետ գրանցվում է Հայաստանի Հանրապետության արդարադատության նախարարության ՔԿԱԳ գործակալության պետի թույլտվության հիման վրա՝ ՔԿԱԳ տարածքային մարմնում։

Հյուպատոսական հիմնարկները Հայաստանի Հանրապետության տարածքից դուրս կատարում են նույնաբնույթ գործառույթներ միևնույն անձանց շրջանակի համար, ինչպիսի գործառույթներ կատարում են Հայաստանի Հանրապետության տարածքում ՔԿԱԳ մարմինները: Հյուպատոսական հիմնարկները կոչված են սպասարկելու Հայաստանի Հանրապետության քաղաքացիներին՝ իրացնելու իրենց իրավունքները:
Հայաստանի Հանրապետության քաղաքացիները Հայաստանի Հանրապետության տարածքում և դրա տարածքից դուրս կարող են ամուսնանալ ինչպես Հայաստանի Հանրապետության քաղաքացիների, այնպես էլ օտարերկրյա քաղաքացիների և քաղաքացիություն չունեցող անձանց հետ: Հյուպատոսական մարմիններում գրանցվում են միայն այն ամուսնությունները, որի կողմերից մեկը Հայաստանի Հանրապետության քաղաքացի է, իսկ մյուս կողմը կարող է լինել ինչպես Հայաստանի Հանրապետության քաղաքացի, այնպես էլ օտարերկրյա քաղաքացի և քաղաքացիություն չունեցող անձ:

Ի՞նչ փաստաթղթեր են ներկայացվում օտարերկրացու մասնակցությամբ ամուսնության պետական գրանցման համար

Օտարերկրացու մասնակցությամբ ամուսնության պետական գրանցման համար Հայաստանի Հանրապետության արդարադատության նախարարության ՔԿԱԳ գործակալություն են ներկայացվում հետևյալ փաստաթղթերը․

1. ամուuնացող անձանց համատեղ գրավոր դիմումը (ձևանմուշը կարող եք ձեռք բերել Հայաստանի Հանրապետության արդարադատության նախարարության կայքից՝www.moj.amհասցեով կամ ՔԿԱԳ մարմնից).

2. ամուսնության բացակայության մասին տեղեկանք՝ օտարերկրյա իրավասու մարմինների կողմից՝ «Օտարերկրյա պաշտոնական փաստաթղթերի օրինականացման պահանջը չեղյալ հայտարարելու մասին» 1961թ. Հաագայի կոնվենցիայով սահմանված ապոստիլով («APOSTILLE») հաստատմամբ՝ նոտարական կարգով հաստատված հայերեն թարգմանությամբ (եթե պետությունը կոնվենցիայի անդամ չէ, փաստաթղթերը ենթական են հյուպատոսական վավերացման, իսկ ՀՀ միջազգային պայմանագրերով նախատեսված առանձին երկրների պարագայում որևէ հաստատում անհրաժեշտ չէ):

3. նախկին ամուսնության դադարումը հաստատող փաստաթուղթ, եթե անձը նախկինում գտնվել է ամուuնության մեջ՝ ստորագրությունների վավերականության ապոստիլով հաստատմամբ (եթե պետությունը «Օտարերկրյա պաշտոնական փաստաթղթերի օրինականացման պահանջը չեղյալ հայտարարելու մասին» 1961թ. Հաագայի կոնվենցիայի անդամ չէ, փաստաթղթերը ենթական են հյուպատոսական վավերացման), նոտարական կարգով հաստատված հայերեն թարգմանությամբ (օրինակ՝ մահվան վկայական, ամուսնալուծության վճիռ, ամուսնալուծության վկայական(տեղեկանք) և այլն)։

Հայաստանի Հանրապետության արդարադատության նախարարության ՔԿԱԳ գործակալության պետի թույլտվությունը տրվում է ոչ շուտ, քան դիմումը ներկայացնելու օրվան հաջորդող 10-րդ օրը և ոչ ուշ, քան երեք ամիսը , որից հետո ամուuնության հետագա գրանցումը ՔԿԱԳ տարածքային վայրում իրականացվում է Հայաստանի Հանրապետության քաղաքացիների ամուսնության գրանցման համար սահմանված կարգով: Օտարերկրացու մասնկացությամբ ամուսնության գրանցման համար պետական տուրքի դրույքաչափը կազմում է 1000 ՀՀ դրամ:
Ամուuնության պետական գրանցումը կատարում է՝ ամուuնացողներից մեկի հաշվառման վայրի (բնակության վայրի՝ համապատասխան տեղեկանքի առկայության դեպքում) ՔԿԱԳ տարածքային մարմինը կամ Հայաստանի Հանրապետության արդարադատության նախարարության համակարգում գտնվող` ամուսնության և ծննդի հանդիսավոր գրանցման պալատը (հասցե՝ ք. Երևան, Զաքյան փող., 3 շենք, Կենտրոն վարչ. շրջան, հեռ.՝ +374-10-520230):

Ամուսնության գրանցման կարգի հետ կապված առավել մանրամասն տեղեկություններին ծանոթանալու համար այցելեք հետևյալ հղումով` http://moj.am/services/civil_registry/item/517 ։

Հարցին պատասխանել է Արատտա ընկերության իրավախորհրդատու Սյուզաննա Պողոսյանը։

Այս թեմայով Ոստիկանության պարզաբանումը՝ «Սասնա ծռերի» անդամին բռնության ենթարկելու վերաբերյալ (տեսանյութ) ԿԳՄՍՆ պարզաբանումը՝ աշխատակիցներին 1 միլիարդ 774 միլիոն 225 հազար 600 դրամ պարգևավճար տալու վերաբերյալ Իրականում ի՞նչ է տեղի ունեցել Կոտայքի ՋՕԸ-ում. ոստիկանությունից պարզաբանում են «Պարզաբանում». Վիրավորանք և զրպարտություն. բաղադրիչ տարրերը և պաշտպանական մեխանիզմները Պարզաբանում. Ի՞նչ է բանկային գաղտնիքը. ո՞ր դեպքում կարելի է այն տրամադրել և պատասխանատվության չենթարկվել