Ինչպիսին է ԱԺ ձեւավորման կարգը, առաջին նստաշրջանի անցկացումն ու օրակարգը․ Քո իրավունքը

Արմդեյլին և Լեգալ Մայնդս ընկերությունը շարունակում են «Քո իրավունքը» հաղորդաշարը, որի նպատակն է հանրային իրազեկումը և հասարակությանն իրավական օգնության տրամադրումը:

Այս հաղորդմանը կխոսենք նորընտիր Ազգային ժողովի առաջին նստաշրջանի հրավիրման կարգի, անցկացման և օրակարգի մասին։
Ազգային ժողովի արտահերթ ընտրության դեպքում առաջին նստաշրջանը հրավիրվում է նորընտիր Ազգային ժողովի կազմավորումից հետո` երկրորդ երկուշաբթի օրը՝ ժամը 10:00-ին, որի մասին հայտարարում է Կենտրոնական ընտրական հանձնաժողովի նախագահը:
Առաջին նստաշրջանի նիստերը բացում և մինչև Ազգային ժողովի նախագահի ընտրվելը նախագահում է տարիքով ավագ պատգամավորը: Առաջին նստաշրջանի բացման առթիվ ողջույնի ելույթի իրավունք ունեն Հանրապետության նախագահը և Ամենայն Հայոց Կաթողիկոսը:

Ողջույնի ելույթներից հետո պատգամավորները երդվում են։
Նիստը նախագահողը հայտարարում է առաջին նստաշրջանի օրակարգը՝
-հաշվիչ հանձնախմբի ստեղծում.
-Ազգային ժողովի նախագահի ընտրություն.
-Ազգային ժողովի նախագահի երեք տեղակալների ընտրություններ.
-մշտական հանձնաժողովների ստեղծում.
-մշտական հանձնաժողովների նախագահների ընտրություններ.
-Կառավարության առաջարկությամբ` Կառավարության կառուցվածքի փոփոխության վերաբերյալ օրենքի նախագծի քննարկում և
-Կառավարության ծրագրին հավանություն տալու հարց:
Ազգային ժողովի նախագահն Ազգային ժողովի առաջին նստաշրջանի նիստում հանդես է գալիս խմբակցությունների և մշտական հանձնաժողովների, ինչպես նաև Խորհրդի կազմավորման վերաբերյալ հայտարարությամբ:

Նորընտիր Ազգային ժողովի առաջին նստաշրջանի հրավիրման կարգին, անցկացմանը և օրակարգին ավելի մանրամասն անդրադարձել ենք հաղորդմանը։ Հետևեք մեզ և եղեք տեղեկացված։ Կհանդիպենք։

Այս թեմայով Ինչպես է անցկացվում ընտրությունների երկրորդ փուլը. Քո իրավունքը Ինչպես է իրականացվում բջջային հավելվածի միջոցով տրանսպորտային միջոցների խախտումները արձանագրելը. Քո իրավունքը Ինչպե՞ս են օգտագործվում նախընտրական հիմնադրամի միջոցները ընտրություններից հետո. Քո իրավունքը Հետընտրական գործընթացների եւ դրանց ժամկետների մասին. Քո իրավունքը Որոնք են ընտրական հանցագործությունները եւ ինչ պատիժ է նախատեսված. Քո իրավունքը