Խենթ արարք՝ դիսկո-դիսկո, հոբբի՝ կահույքագործ. Բլից հարցազրույց Շիրակի դատարանի նախագահի հետ

ArmDaily.am-ը «Խորհրդակցական սենյակում» շարքի շրջանակներում շարունակում է բացահայտել դատավորներին։ Այս անգամ մեր բլից հարցերին պատասխանել է Շիրակի մարզի ընդհանուր իրավասության դատարանի նախագահ Գագիկ Հովհաննիսյանը։

 Ո՞վ է Գագիկ Հովհաննիսյանը առանց պատմուճանի։

-Որդի, ամուսին, հայր, ընկեր։ 

Վերջին թարմ անեկդոտը գյումրեցիների մասին։

-Կպատմ եմ միայն սեղանի շուրջ։

Հեքիաթի սիրելի հերոսը։

-«Գտնված երազ» մուլտֆիլմի պապիկը։

 Առարկա, որն այդպես էլ չսովորեցիք դպրոցում։

-Բարձրագույն կիրառական մաթեմատիկա։

Պատանեկան սերեր, թաքուն ծխել, հայրական ապտակ...նորմալ պատանեկություն ունեցե՞լ եք։

-Այո, ողջ կյանքիս ընթացքում մինչ օրս ծխել եմ ընդամենը 4 հատիկ սիգարետ՝ առաջինը 7 տարեկանում, հայրական ապտակի բերկրանքը ցավոք չեմ զգացել, շատ կուզենայի, պատանեկությունս մասամբ դեռ շարունակվում է։

Ինչու հենց դատավոր։

-Բա էլ ի՞նչ։

Ձեր սրտի դատավորը։

-Մայրս։

Քանի՞ պատմուճան եք մաշել։ Մո՞ւրճ ունեք, թե՞ չէ, քանի՞ հատ։

-Երկրորդ պատմուճանի մաշելու պրոցեսում եմ, մուրճ ունեմ 11 հատ, մեկը ուժեղ թրխկացնող.

Սիրում եք...

-Կյանքը։

Դժգոհ եք...

-Յեսիմ է, հիմնականում անտեսում եմ։

Զարմանում եք...

-Միայն հիանալիս։

Զայրանում եք...

-Անդեմ մարդկանցից։

Հիասթափվում եւ հուսահատվում եք...

-Երբեք։

Զղջում եք...

-Միայն մեկ պատճառով՝ ընտանիքին քիչ ժամանակ տրամադրելու։

 Վախենում եք...

-Երբեք։

 Հավատում եք

-Ոչ բացարձակ։

Ուրախությունը։

-Երեխաներս։

Տխրությունը։

-Չեմ հիշատակի։

Հոգսերը։

-Բազմաթիվ ու բազմապիսի՝ սակայն բոլորը հաղթահարելի։

Խենթ արարք։

-Դիսկո-դիսկո։

Ախ կանայք, կանայք։

-Իմ թեման չի։

 Ընտանիքը

-Սրբություն։

Երեխաները։

-Գանձ, հրաշք, ապագա։

Փողը...

-Կատարվող աշխատանքի գնահատման արդյունք։

Չիրականացած երազանք

-Չունեմ։

Թուլություններ, թերություններ

-Շաաաատ։

Հոբբի։

-«Կահույքագործ» եմ։

Ձեր մասին ամենաանհեթեթ բամբասանքը։

-Որ ես վատ մարդ եմ։

 Սկզբունքներ, որոնց չեք դավաճանի։

-Նամուս, թասիբ։

Խորհրդակցական սենյակում։

-Լռություն։

Ամենամեծ կաշառքը, որ առաջարկել են եւ ամենափոքրը, որ չեք կարողացել մերժել։

-Տես՝ հարց համար 24 (Փողը... Կատարվող աշխատանքի գնահատման արդյունք-հեղ)

 Աստվածաշունչ, թե սահմանադրություն։

-Սահմանադրություն։

Մի դատիր...

-Ստիպված եմ։

 Ձեր ֆիլմը...

-Տես՝ պարոն Ազարյանի հարցը։ (Ալեքսանդր Ազարյանը շարքի հաջորդ մասնակցին հարցրել էր՝ ինչու է աղմկում գետը։

 Ընկերները։

-Հիմնականում մանկական։

Զանգ վերադասից, ինչպես դիմադրել...

-Հեշտ։

 Հարց շարքի հաջորդ մասնակցին։

-Տեսար ինչ եղավ։

Եւ մեր շարքի նախորդ մասնակիցը՝ Ալեքսանդր Ազարյանը ձեզ հարցնում է՝ ինչու է աղմկում գետը...։
Ինչ որ մի բան, ինչ որ մի տեղ էն չի։

Շարքի առաջին բլիցը Ալեքսանդր Ազարյանի հետ էր:

Շարքը՝ Ինգա Մարտինյանի։