15 մլն դրամ՝ միայն ցուցահանդեսի տաղավարի համար. Որ ընկերությունն է ԲՏԱ նախարարությանը ծառայություն մատուցել Մոսկվայում

ՀՀ բարձր տեխնոլոգիական արդյունաբերության նախարարությունը «ԿՈՆՑԵՊՏ ԻՎԵՆԹՍ» ՍՊԸ-ի հետ տաղավարի պատրաստման և տեղադրման աշխատանքներ իրականացնելու համար մեկ անձից կատարվող գնման ընթացակարգով 14,950,000 մլն դրամի պայմանագիր է կնքել, որից 3,662,500 դրամը վճարվել է նախապես։ 

Ըստ պայմանագրի տաղավարը պետք է պատրաստ լիներ սույն թվականի ապրիլի 12-ին և ապամոնտաժվեր սկսած ապրիլի 16-ից։ Պայմանագրում նշված չէր, թե հատկապես ինչ միջոցառման իրականացման համար է նախատեսված տաղավարի պատրաստումը։

Ըստ պայմանագրի ընկերությունը մատուցել է հետևյալ ծառայությունները.

ArmDaily.am-ը ՀՀ բարձր տեխնոլոգիական արդյունաբերության նախարարության պաշտոնական կայքից տեղեկանում է, որ ապրիլի 13-15-ը Մոսկվայում տեղի է ունեցել «ExpoElectronica» 23-րդ ամենամյա միջազգային ցուցահանդեսը։ 

 «ExpoElectronica»-ն Ռուսաստանի Դաշնության ամենախոշոր էլեկտրոնային արդյունաբերության ցուցահանդեսն է, որին այս տարի մասնակցության հայտ են ներկայացրել ընկերություններ 11 երկներից՝ ՌԴ, Հայաստան, ԱՄՆ, Գերմանիա, Իսրայել, Չինաստան, Բելառուս, Կորեա, Լատվիա, Ֆրանսիա և Թայվան։  

Նշենք, որ «ԿՈՆՑԵՊՏ ԻՎԵՆԹՍ» ՍՊԸ-ն պետական գրանցում է ստացել 2019թ-ի մարտին։ Զբաղվում է զվարճությունների և հանգստի կազմակերպման այլ գործունեությամբ։ 

Զինծառայողների ապահովագրման հիմնադրամի պարտադիր վճարումներից տեղեկանում ենք, որ 2020թ-ի դեկտեմբերի 31-ի դրությամբ՝ ընկերությունը ունեցել է ընդամենը 1 գրանցված աշխատող։

Ընկերության տնօրեններն են Սամվել Վանյանը և Աննա Արզումանյանը։ 

Արմինե Նավոյան

Այս թեմայով Ոստիկանությունը 1 մլն դրամ է հատկացրել պատերազմում զոհված ոստիկանների անվանական հուշատախտակի համար Ավելի քան 141 մլն դրամ՝ «Անվերջության ժապավեն» հուշարձանի վերականգնման համար Առողջապահության նախարարությունն այսօր ավելի քան 2 մլրդ դրամի գնում է կատարել Ինչպես է ծախսվելու Եղեռնի զոհերի հիշատակի միջոցառումների համար հատկացված 91,677 մլն դրամ Ոստիկանությունը 418 մեքենայի համար «Ռեսո»-ի հետ ավելի քան 25 մլն դրամի պայմանագիր է կնքել