Կոմունիկացիաների ապաշրջափակումը պետք է նպաստի Հայաստանի շահին, ոչ թե հակառակը. Ուկրաինացի քաղաքագետ (տեսանյութ)
ADTV
ArmDaily.am-ը շարունակում է ներկայացնել «Հայացք դրսից» շարքը: Այս անգամ զրուցել ենք ուկրաինացի քաղաքագետ և հասարակական գործիչ Օլեգ Սահակյանի հետ:
Անդրադառնալով պատերազմից հետո ստեղծված իրավիճակին՝ ուկրաինացի քաղաքագետը կարծում է, որ անհրաժեշտ է արտաքին դիվանագիտությունը դնել նոր ռելսերի վրա՝ իրավիճակ է փոխվել ու հին շեշտադրումներով այլևս հնարավոր չէ շարունակել: Մասնավորապես, պետք է մեծացնել ճնշումները Բաքվի վրա և դրա հնարավորությունը կա՝ Բաքում պատերազմը սանձազերծելով Հայաստանի դեմ պարզապես ոչնչացրեց այս հակամարտության խաղաղ կարգավորման բանաձևի մոդելը, որը առաջարկվել էր ԵԱՀԿ Մինսկի խմբի կողմից: Այս հարցում ՀՀ իշխանությունները շատ անելիք ունեն:
Ինչ վերաբերվում է ներքաղաքական գործընթացներին, Սահակյանը կարծում է, որ ընդդիմության մեջ ներգրավված են քաղաքական գործիչներ, որոնք անընդունելի են հայ հասարակության համար, այդ իսկ պատճառով մեծամասնությունն իր նախապատվությունը տալիս է Փաշինյանին՝ «վախեցած» լինելով նախկինների վերադարձից: Ինչ վերաբերում է Քոչարյանին, ապա այո, նա բարձր վարկանիշ ունի, սակայն Քոչարյանը ևս չի վայելում հասարակության լայն զանգվածների աջակցությունը:
Սահակյանը վստահ է, որ ոչ բոլոր քաղաքական գործիչներն են մասնակցում արտահերթ ընտրություններին՝ հաղթելու կամ խորհրդարան անցնելու համար՝ շատերը մասնակցում են քաղաքական գործընթացներին՝ իրենց դիրքը քաղաքականության մեջ պահելու համար:
Անդրադառնալով կոմունիկացիաների ապաշրջափակմանը, ուկրաինացի քաղաքագետը հստակեցնում է, այժմ Հայաստանի համար շատ բարդ շրջան է ու հարևան Ադրբեջանն ու Թուրքիան կանեն ամեն ինչ, որպեսզի այդ ապաշրջափակումը լիովին ծառայի իրենց շահերին, իսկ Հայաստանը դրանցից հնարավորինս քիչ շահի, այդ իսկ պատճառով ՀՀ իշխանությունները լուրջ խնդիր ունեն՝ պետք է հստակ ու կանոնակարգված աշխատանք տանել, որպեսզի այդ ապաշրջափակումն ամենաշատը ծառայի Հայաստանի Հանրապետությանը և ոչ թե հակառակը:
Մանրամասները՝ տեսանյութում:
Իսրայելը դժվար թե Հայոց Ցեղասպանությունն ընդունի. Իսրայելցի քաղաքագետ (տեսանյութ)
Հայկական դիվանագիտությունը պետք է աշխատանք տանի Ադրբեջանին պատասխանատվության ենթարկելու համար. Ուկրաինացի քաղաքագետներ
Վրաստանն ու Հայաստանը ստրատեգիական դաշինք պիտի կազմավորեն՝ Թուրքիային ու Ադրբեջանին դիմակայելու համար՝ անկախ նրանից՝ սիրում են իրար, թե ոչ. Վրացի փորձագետ
Ադրբեջանը նոր զենքեր է գնում՝ դրանք Հայաստանի դեմ կիրառելու համար․ իսրայելցի քաղաքագետ
Ես հույս ունեմ, որ հայ ազգը կկարողանա ներել իմ պետությանը՝ Իսրայելին, իր գործած հանցանքների համար. Իսրայելցի քաղաքագետ
