Աշխատավարձ՝ բացակայության դիմաց. պատգամավորներից ովքեր են ամենաշատը բացակայել նիստերից
Քաղաքական
Parliament monitoring կայքի «Քվեարկություններ» էջում 7-րդ գումարման Ազգային ժողովի պատգամավորներին վերաբերող անհատական տեղեկություններ են, տվյալներ քվեարկությունների, բացակայությունների, հարցերի ու ելույթների վերաբերյալ:
Վիճակագրությունը կազմվում է ԱԺ պաշտոնական կայքէջում ներկայացվող տվյալների մշակմամբ:
ArmDaily.am-ը ներկայացնում է ամենաշատ բացակայած պատգամավորների 10-նյակը՝ ըստ նշված կայքի տրամադրած տվյալների:
Ընդգծենք, որ պատգամավորների բացակայությունների ցուցանիշն ընդհանուր է՝ առանց հարգելի և անհարգելի բացակայությունների տարբերակման:
Այսպես՝ ամենաշատը բացակայել է «Բարգավաճ Հայաստան» խմբակցության ղեկավար Գագիկ Ծառուկյանը՝ 652 բացակայություն: Երկրորդ տեղում 647 բացակայությամբ կրկին «Բարգավաճ Հայաստան» խմբակցությունից Վարդան Ղուկասյանն է: Լավագույն եռյակը եզրափակում է կրկին ԲՀԿ-ից Դավիթ Մանուկյանը՝ 501 բացակայություն:
4-րդ տեղում 492 բացակայությամբ ԲՀԿ-ական Էդուարդ Բաբայանն է:
5-րդ տեղում անկախ պատգամավոր Թագուհի Թովմասյանն է՝ 457 բացակայություն:
6-րդ տեղում ԲՀԿ-ական Վարդևան Գրիգորյանն է՝ 385 բացակայություն:
7-րդը՝ «Իմ քայլը» խմբակցությունից Սասուն Միքայելյանն է՝ 369 բացակայություն:
8-րդը՝ անկախ պատգամավոր Տիգրան Ուրիխանյանն է՝ 356 բացակայություն:
9-րդը՝ «Իմ քայլը» խմբակցության պատգամավոր Քրիստինե Պողոսյանն է՝ 343 բացակայություն:
10-րդը՝ անկախ պատգամավոր Գևորգ Պետրոսյանն է՝ 331 բացակայություն:
Նկատենք, որ ամենաշատ բացակայել են «Բարգավաճ Հայաստան» խմբակցության պատգամավորները: Նշենք, որ Տիգրան Ուրիխանյանը և Գևորգ Պետրոսյանը, ովքեր ևս տասնյակում են, պատգամավոր են ընտրվել ԲՀԿ ցուցակով և միայն վերջերս են խմբակցությունից դուրս եկել:
Ինչու են իմքայլականները Նիկոլ Փաշինյանի թեկնածությանը կողմ ու դեմ քվեարկել
Սյունիքում անվտանգ է, թե թուրքն ամեն պահ կարող է ճանապարհից մարդ տանել. քայլականները հակասում են իրար (տեսանյութ)
Այդպես էր պետք. Իմքայլականները՝ վարչապետին հոտնկայս ծափահարելու մասին (տեսանյութ)
Ո՞վ կփոխարինի «Իմ քայլի» պատգամավոր Սուրեն Գրիգորյանին
Ազգային ժողովը նոր պատգամավոր ունի. նա դուրս է եկել «Իմ քայլից»
