Ի դեպ. Ռոբերտ Քոչարյանի գործով ՀՀ գլխավոր դատախազի՝ ՍԴ դիմելու մասին

Ի դեպ, այն բանից հետո, ՍԴ-ն հակասահմանադրական ճանաչեց 300.1 հոդվածը, որով դատվում էր ՀՀ 2-րդ նախագահ Ռոբերտ Քոչարյանը, հնչեցին տարբեր ու իրարամերժ կարծիքքներ այն մասին, թե ինչ է նշանակում եւ ինչ է ենթադրում այն։ Կարծիքները, ինչպես եւ սպասելի էր, խիստ տարբեր էին երկու կողմերի փաստաբանների արձագանքներում։ Ռոբերտ Քոչարյանի պաշտպանները, մասնավորապես Արամ Վարդևանյանը, համոզված էր, որ ՍԴ որոշումը մեկ բան է նշանակում՝ որ երկրորդ նախագահի նկատմամբ քրեական հետապնդումը պետք է դադարեցվի, եւ ընդհանրապես, բոլոր ակտերը, որոնք վերաբերում են 300.1-րդ հոդվածին, ՍԴ որոշման ուժով ենթակա են վերանայման։

Հակառակն էր պնդում Մարտի 1-ի գործով տուժողի ներկայացուցիչ Սեդա Սաֆարյանը։ Նա գտնում էր, որ փաստական հանգամանքների շարադրանքը, այն գործողությունները, որոնք վերագրվել են Ռոբերտ Քոչարյանին և մյուսներին, բացի սահմանադրական կարգը տապալելու հանցակազմից, նախատեսում են նաև այլ հոդվածի հանցակազմ։ Այլ կերպ ասած, Սաֆարյանի մեկնաբանությամբ, գործը սրանով ավարտված չէ, դատախազությունը ցանկացած ժամանակ կարող է իր մեղադրանքը հետ տանել, վերաձևակերպում անել, բերել դատարան։ Ռոբերտ Քոչարյանի փաստաբանները սակայն հակադարձում էին, որ մեղադրանքի վերաորակավորում հնարավոր է միայն այն դեպքում, երբ նոր ապացույց է ի հայտ եկել, սակայն այս գործով ապացույցների զննման փուլին դատարանը չէր հասել։

Եվ հաջորդը՝ հնարավոր է մեղադրանքը փոխել, եթե ի հայտ է գալիս նոր հանգամանքը, որն այստեղ կրկին անհնար է։ Եւ ահա, այսօր պարզվեց, որ դատախազությունը որոշել է, որ թե փոխել մեղադրանքը, այլ դիմել ՍԴ։ Նշվում է, թե անձին մեղսագրվող կոնկրետ արարքի առնչությամբ վարույթը բացառող հանգամանք ի հայտ գալուց անմիջապես հետո, (այս հանգամանքը բնականաբար ՍԴ որոշումն է) մեղադրողի համար առաջանում են մեղադրանքից հրաժարվելու, իսկ դատարանի համար՝ քրեական հետապնդումը դադարեցնելու պարտականություն։ Իսկ այդ պարտականությունը հնարավորություն ի չտալիս կատարել որևէ դատավարական գործողություն՝ մասնավորապես փոխել ու վերաորակել ամբաստանյալին առաջադրված մեղադրանքը։ Եվ սա այն դեպքում, երբ դրանում առկա են ՀՀ քրեական օրենսգրքով չթույլատրված այլ՝ այնպիսի արարքի հատկանիշներ, որի առնչությամբ վարույթը բացառող տվյալ հանգամանքն առկա չէ։ Իսկ այս պարագայում չեն երաշխավորում արդար դատաքննության իրավունքները։ Գնդակը նորից ՍԴ դաշտում է, ինչպես ասում են՝ «այս խմորը դեռ շատ ջուր կքաշի»։

Այս թեմայով Ի դեպ. Նիկոլ Փաշինյանի առաջարկի ու Արա Այվազյանի հրաժարականի մասին Ի դեպ. Հայ զինվորների գերեւարման ու Նիկոլ Փաշինյանի նոր առաջարկի մասին Ի դեպ. Ադրբեջանական ագրեսիայի, ՀԱՊԿ-ից ակնկալիքների ու ՄԱԿ ԱԽ չդիմելու մասին Ի դեպ. Լեւոն Տեր Պետրոսյանի հոդվածին Ռոբերտ Քոչարյանի պատասխանի մասին Ի դեպ. Լեւոն Տեր Պետրոսյանի հոդվածի մասին