Արդարադատության նախարարությունը վերաքննիչ բողոք կներկայացնի

Ինչպես արդեն հայտնել ենք, ՀՀ վարչական դատարանը մասնակիորեն բավարարել է Արսեն Աֆրիկյանի հայցն ընդդեմ ՀՀ Արդարադատության նախարարության: Համաձայն վճռի Արսեն Աֆրիկյանը կվերականգնվի ՀՀ քրեակատարողական ծառայության պետի առաջին տեղակալի պաշտոնում և հարկադիր պարապուրդի ամբողջ ժամանակահատվածի համար կստանա հատուցում՝ միջին աշխատավարձի չափով:

Մնացած՝ Արդարադատության նախարարությունից վճարման ենթակա աշխատավարձի կետանցված յուրաքանչյուր օրվա համար 0.15 տոկոսի չափով գումար բռնագանձելու պահանջի մասով հայցը մերժվել է: 

ArmDaily.am-ի հարցին ի պատասխան` Արդարադատության նախարարությունից հայտնեցին, որ նախարարությունը վերաքննիչ բողոք է ներկայացնելու օրենքով սահմանված ժամկետում։

Հավելենք, որ ՀՀ քրեակատարողական ծառայության պետի առաջին տեղակալի պաշտոնն այս պահին զբաղեցնում է Արտակ Հարությունյանը:

Հիշեցնենք, որ 2018 թ-ին Արսեն Աֆրիկյանն ազատվել էր ՀՀ ԱՆ քրեակատարողական ծառայության պետի առաջին տեղակալի պաշտոնից և այս պաշտոնին էր նշանակվել Մանուկ Լևոնի Միքայելյանը: Արսեն Աֆրիկյանը դատարան էր դիմել իրեն աշխատանքից ազատելու մասին և Մանուկ Միքայելյանին ՔԿԾ պետի առաջին տեղակալ նշանակելու մասին որոշումներն անվարեր ճանաչելու, միջին ամսական աշխատավարձը` հարկադիր պարապուրդի ամբողջ ժամանակահատվածի համար, որը մեկ ամսվա համար կազմում է 476.000 դրամ` սկսած 15.06.2018թ.-ից մինչև դատարանի վճռի փաստացի կատարումը հայցվորի օգտին բռնագանձելու մասին պահանջով:

Այս թեմայով Հայաստանի և Ճապոնիայի արդարադատության նախարարները հանդիպել են․ ներկայացվել են հայ ռազմագերիների վերադարձի հետ կապված խնդիրները Ինչպե՞ս է ծախսվելու արդարադատության ոլորտի բարեփոխումներին ուղղված ԵՄ 9 մլն եվրո դրամաշնորհը Արսեն Աֆրիկյանը դատարանում հաղթեց Արդարադատության նախարարությանը. վերջինս կվերականգնվի նախկին պաշտոնում Ռուստամ Բադասյանը Շվեդիայի, Լեհաստանի և Լիտվայի դեսպանների հետ քննարկել է հարցերի լայն շրջանակ Արդարադատության նախարարությունը որևէ պայմանագիր չի ստացել որևէ ընթացակարգի շրջանակում. Ռուստամ Բադասյան