Ինչու էին զինվորները մաքրում Կրպեյանի անվան այգու տարածքը. Հակոբ Կարապետյանը պարզաբանել է

Ֆեյսբուքյան օգտատեր Դավիդ Մարտունին դիմել էր Նոր Նորքի վարչական շրջանի ղեկավարությանն ու Երևանի քաղաքապետարանին՝ պարզաբանում ստանալու պահանջով: Մասնավորապես, նա իր հայտարարության մեջ նշել էր, որ այսօր առավոտյան՝ 10.30-ի սահմաններում մի խումբ զինվորներ են նկատվել ձնամաքրման աշխատանքներ կատարելիս՝ Ազգային հերոս Թաթուլ Կրպեյանի անվան այգու դիմացի մայթեզրին:

ArmDaily.am-ի հետ զրույցում, Երևանի քաղաքապետի մամլո խոսնակ Հակոբ Կարապետյանը պարզաբանեց, որ Նոր Նորքի վարչական շրջանի ղեկավարի ու Վազգան Սարգսյանի անվան ռազմական ուսումնասրանի պետի հետ անձամբ է զրուցել և պարզել, որ մի շարք տարածքների մաքրությամբ զբաղվում են ռազմական ինստիտուտի կուրսանտները:

«Պաշտպանության նախարարության համապատասխան իրավական ակտով՝ Վազգեն Սարգսյանի ռազմական ուսումնարանին կցագրված են մի շարք տարածքներ, որոնք ըստ այդ իրավական ակտի պետք է խնամվեն նրանց կողմից: Օրինակ՝ Հաղթանակի այգին, Գայի արձանը, Նոր Նորքում Հայկի արձանը, այդ թվում նաև ազգային հերոս Թաթուլ Կրպեյանի անունը կրող այգին: Այսօր առավոտյան ուսումնարանի սաները՝ Երևանի քաղաքապետարանի Կանաչապատում և շրջակա միջավայրի պահպանություն ՊՈԱԿ-ի աշխատակիցների հետ միասին Կրպեյանի անվան այգում ձնամաքրման աշխատանքներ են կատարել՝ նախապատարստվելով նաև հունվարի 28-ին բանակի օրվան նվիրված միջոցառմանը, որը պետք է տեղի ունենա այգում»,- հավաստիացրեց Հակոբ Կարապետյանը:

Այս թեմայով Գիշերվանից ԵԱՍՄ մեքենաները գործի մեջ են. Հակոբ Կարապետյան Գիշերվանից ԵԱՍՄ մեքենաները գործի մեջ են. Հակոբ Կարապետյան Դավիթ Համբարյանը նշանակվել է Երևանի քաղաքապետարանի աշխատակազմի քարտուղարի ժ/պ Երևանի շատրվաններն ու ջրավազանները վերագործարկվում են. Հակոբ Կարապետյան Երևանի կենտրոնում պատմամշակութային արժեք ներկայացնող շենքերի վրա տեղադրված գովազդային նյութերը ապամոնտաժվում են