Այսօր Երևանի ավագանու «Լույս» խմբակցության ղեկավար Դավիթ Խաժակյանը ֆեյսբուքյան իր էջում գրել էր, որ Երևանի քաղաքապետ Հայկ Մարությանի որոշմամբ «Երևան» հիմնադրամի միջոցներից 24 միլիոն դրամ է հատկացվում «Անահիտ Սուքիասյան» Ա/Ձ-ին 100 գազելներ «մշակված դիզայնին համապատասխան թաղանթապատելու նպատակով»։
ArmDaily.am-ի հետ զրույցում Երևանի քաղաքապետի մամուլի խոսնակ Հակոբ Կարապետյանը հայտնեց, որ մեքենաներն ամբողջությամբ սպիտակ են ներկրվել. «Այլ գույների տրանսպորտային միջոցները այլ գին են՝ գործարանային արտադրության ցանկացած ուրիշ գույնը ավելի թանկ է նստում համայնքի վրա, իսկ համայնքը ավտոբուսների, տրանսպորտային միջոցների սեփական բրենդավորումը ունի և Երևանում այդ գույները ստանալու համար թաղանթապատվում են տրանսպորտային միջոցները»։
Անդրադառնալով հարցին՝ ի՞նչ սկզբունքով է ընտրվել ընկերությունը, որը պետք է նշված ծառայությունը մատուցի՝ Կարապետյանը նշեց, որ մանրամասներին չի տիրապետում։
Նա նաև նշեց, որ այս գնումը վերաբերում է միայն նշված 100 տրանսպորտային միջոցներին, սակայն հնարավոր է հետագայում ևս այս պրակտիկան կիրառվի։
