Բալերը կորցնելու արդյունքում քանի վարորդ և ինչ ժամկետով է զրկվել մեքենա վարելու իրավունքից

Տուգանային միավորների կիրառման հետևանքով դեռևս որևէ վարորդ չի զրկվել տրանսպորտային միջոցներ վարելու իրավունքից: Այս մասին ArmDaily.am-ի գրավոր հարցմանն ի պատասխան հայտնում են ոստիկանությունից։

Իսկ 2020 թվականի դեկտեմբերի 28-ի դրությամբ 2115 անձի տրանսպորտային միջոցներ վարելու իրավունքը կասեցվել է 6 ամիս ժամկետով։

Նշենք, որ տրանսպորտային միջոցներ վարելու իրավունք ունեցող անձին ՀՀ-ում վարորդական վկայական ստանալու օրվանից մեկ տարի ժամկետով տրվում է 9 միավոր: Այլ պետությունում ստացած վարորդական վկայական ունեցող և բնակչության պետական ռեգիստրում հաշվառված օտարերկրացուն միավորները տրվում են բնակչության պետական ռեգիստրում հաշվառվելու օրվանից: Տրանսպորտային միջոցներ վարելու իրավունք ունեցող անձին յուրաքանչյուր հաջորդ մեկ տարի ժամանակահատվածի համար տրվում է 9 միավոր, և նախորդ տարվա միավորների մնացորդը չի փոխանցվում հաջորդ տարի: Ճանապարհային երթևեկության կանոնների խախտում ամրագրելու դեպքում, վարչական իրավախախտում կատարած անձին տվյալ տարում (մեկ տարի ժամանակահատվածում) տրված ընդհանուր միավորներից ինքնաշխատ եղանակով հանվում են համապատասխան իրավախախտման համար սահմանված տուգանային միավորները: Եթե վարչական իրավախախտման համար նախատեսված տուգանային միավորի և տվյալ տարում վարորդի նկատմամբ կիրառված տուգանային միավորների հանրագումարը կազմում է 9 կամ ավելի միավոր` առաջացնում է տրանսպորտային միջոցներ վարելու իրավունքի կասեցում` վեց ամիս ժամկետով: 

Այս թեմայով Փրկարարներն արգելափակումից դուրս են բերել 6 ավտոմեքենա, 9 քաղաքացու ցուցաբերել օգնություն Փրկարարներն արգելափակումից դուրս են բերել 9 ավտոմեքենա, 9 քաղաքացու ցուցաբերել օգնություն Փրկարարներն արգելափակումից դուրս են բերել ավտոմեքենաները Կարմիր գծերի համար 12.000 դրամ վճարած վարորդները կարող են նախկինի պես կայանել իրենց կանգառներում.Դավիթ Պեդանյան Վրաստանի ներքին գործերի նախարարությունը հայկական բեռնատարների վրա քարեր նետելու դեպքի առնչությամբ քրեական գործ է հարուցել