Հակառակորդը կրել է մարդկային և տեխնիկայի կորուստներ, մարտերը շարունակվում են:
21:42 - Համացանցում հայտնվել են կասկածելի ծագում ունեցող լրատվական կայքեր ու սոցիալական ցանցերի կեղծ էջեր. ԱԱԾ
ՀՀ ազգային անվտանգության ծառայությունը տեղեկացնում է, որ վերջին շրջանում համացանցում հայտնվել են կասկածելի ծագում ունեցող լրատվական կայքեր ու սոցիալական ցանցերի կեղծ էջեր (օրինակ՝ lurer.live և համանման այլ տեղեկատվական հարթակներ, բազմաթիվ կեղծ օգտահաշիվներ): Վերջիններս, հատկապես այս օրերին, տարածում են ակնհայտ ապատեղեկատվություններ՝ Հայաստանի Հանրապետության բարձրաստիճան պաշտոնյաների, նրանց հետ փոխկապակցված անձանց, ԱԱԾ նախկին տնօրեն Ա. Քյարամյանի, ինչպես նաև ներքաղաքական և արտաքին քաղաքական բազմաթիվ երևույթների վերաբերյալ, որոնք ստահոդ լինելուց բացի՝ իրենց մեջ պարունակում են Հայաստանի Հանրապետության և Արցախի Հանրապետության անվտանգությանը վնասող զգալի տարրեր ու բաղադրիչներ:
Նախնական ուսումնասիրություններից պարզվում է, որ հիշյալ կայքերում և տեղեկատվական հարթակներում առկա են տարբեր ուղղվածություն ունեցող հետքեր, որոնց ուղղությամբ կատարվում են անհրաժեշտ աշխատանքներ: Այս ամենով հանդերձ մեր հանրությանը կոչ ենք անում տուրք չտալ նմանատիպ տեղեկություններին, չտարածել այդօրինակ կայքերում ու տարբեր հարթակներում առկա կեղծ տեղեկատվությունը, ինչպես նաև բացառապես օգտվել պաշտոնական լրահոսից:
21:30 - «Առաջին հարվածային ալիքին հակառակորդը 1000-ից ավել թռչող սարք է կիրառել». Արծրուն Հովհաննիսյան
«Իմ մոտավոր հաշվարկներով` առաջին հարվածային ալիքը, որի ժամանակ հակառակորդը հարվածներ է հասցրել միայն ԱԹՍ-ներով և մեծ հրթիռային միջոցներով, միաժամանակ օդում եղել է 1000-ից ավելի թռչող սարք, կրկնում եմ՝ միաժամանակ»,- Հանրային հեռուստաընկերությանը տված հարցազրույցում ասաց ՀՀ ՊՆ ներկայացուցիչ Արծրուն Հովհաննիսյանը:
«Ձեր նկարագրություններից հետո ես պիտի հարցնեմ, թե ո՞նց ենք մենք դիմանում»,- Հովհաննիսյանից հետաքրքրվեց Պետրոս Ղազարյանը:
Ի պատասխան ՊՆ ներկայացուցիչն ասաց. «Բա հենց խնդիրը սա է. զինվորական գործից հասկացող մասնագետները շատ լավ հասկանում են, որ մեր դիմադրությունը և շատ հաճախ տեղ-տեղ մեր հակահարձակումները դա զուտ դատարկ խոսքեր չեն, որ ես ասում եմ՝ հերոսություն է անում մեր բանակը: Դրանք դատարկ խոսքեր չեն. ռազմական գիտության գլուխգործոցներ են մեր բանակի կողմից իրականացվում»:
19:30 - ՀՀ ՊՆ֊ն հերքում է Ադրբեջանի ՊՆ հայտարարությունը, թե հայկական կողմը հրթիռահրետանային հարվածներ է հասցնում Գերանբոյի և Թերթերի շրջաններին. Շուշան Ստեփանյան
16:06-Տիրան Խաչատրյանը եւ Անդրանիկ Փիլոյանը վերջին ժամերի ընթացքում մարտի դաշտում փառքով պսակեցին իրենց անունը եւ կարժանանան ազգային հերոսի կոչման. վարչապետ
Վարչապետ Նիկոլ Փաշինյանը իր ֆեյսբուքյան էջում գրել է. «ՀՀ Զինված ուժերի գլխավոր շտաբի պետի առաջին տեղակալ, գեներալ-լեյտենանտ Տիրան Խաչատրյանը եւ 5-րդ բանակային կորպուսի հրամանատար գեներալ-մայոր Անդրանիկ Փիլոյանը հատկապես վերջին ժամերի ընթացքում, մարտի դաշտում, փառքով պսակեցին իրենց անունը եւ կարժանանան ազգային հերոսի կոչման:
Նրանք շարունակում են իրենց հերոսական կռիվը՝ հանուն հայրենիքի: Փա՛ռք հայոց բանակին»։
16:03-Առավել ծանր մարտերն ընթանում են Իշխանաձոր, Կովսական և Միջնավան համայնքների տարածքներում. ԱՀ նախագահ
Արցախի Հանրապետության նախագահ Արայիկ Հարությունյանն ընդունել է ՀՀ Ազգային Ժողովի «Իմ քայլը» խմբակցության պատգամավորներին՝ ԱԺ նախագահ Արարատ Միրզոյանի գլխավորությամբ:
Երկրի ղեկավարը ներկայացրել է ադրբեջանա-թուրքական ագրեսիայի հետևանքով ստեղծված իրավիճակը և նշել, որ այն ծավալապաշտական նկրտումները, որոնք ունեն Ադրբեջանի գործող իշխանությունները, պետք է անպայման քաղաքական գնահատական ստանան:
Անդրադառնալով ռազմաճակատում տիրող դրությանը՝ նախագահն ընդգծել է, որ առաջնագծի ողջ երկայքնով ռազմագործողությունները ինտենսիվ կերպով շարունակվում են, ընդ որում՝ առավել ծանր մարտերն ընթանում են Քաշաթաղի շրջանի Իշխանաձոր, Կովսական և Միջնավան համայնքների տարածքներում:
Իր հերթին ՀՀ ԱԺ նախագահ Արարատ Միրզոյանը նշել է, որ Հայաստանի Հանրապետությունը բոլոր հնարավոր միջոցներով կանգնած է Արցախի կողքին և, որպես Արցախի անվտանգության երաշխավոր, իրականացրել և իրականացնելու է դրանից բխող յուրաքանչյուր անհրաժեշտ գործողություն:
15:41-Հակառակորդը, Խուդաֆերինի ջրամբարի ուղղությամբ մեծ կորուստներ կրելով, նահանջում է. զգուշացրել էինք՝ դժոխք եք մուտք գործում. ՊՆ խոսնակ
Հակառակորդը հարավային ուղղությամբ՝ Խուդաֆերինի ջրամբար, մեծ կորուստներ կրելով նահանջում է․․․ Զգուշացրել էինք՝ դժոխք եք մուտք գործում։ Այս մասին ֆեյսբուքյան իր էջում գրել է ՊՆ խոսնակ Շուշան Ստեփանյանը։
15:12-Երեկ ՀՕՊ ստորաբաժանման խոցած Bayraktar TB2-ի հեռակառավարվող տեսախցիկը կանադական արտադրության է. ՊՆ խոսնակ
«Արցախի ՊԲ ՀՕՊ ստորաբաժանման կողմից երեկ խոցված թուրքական Bayraktar TB2 մարտական ԱԹՍ-ի հեռակառավարվող տեսախցիկը L-3 WESCAM CMX-15D մոդելի է:
Այն արտադրվել է 2020թ հունիսին Կանադայի WESCAM ընկերության կողմից և Bayraktar TB2-ի վրա տեղադրվել 2020թ սեպտեմբերին:
Ընդհանուր աշխատանքը կազմել է 31 ժամ»,- ասված է ՊՆ խոսնակ Շուշան Ստեփանյանի գրառման մեջ:
14:44- ՊԲ-ն հայտնում է զոհված ևս 43 զինծառայողների անուններ
Ադրբեջանական ագրեսիան հետ մղելու ընթացքում զոհված զինծառայողները
Այվազյան Արամ Նվերի, ծնվ. 1997թ.
Սաղաթելյան Արտյոմ Համլետի, ծնվ. 2001թ.
Գևորգյան Դավիթ Արսենի, ծնվ. 2001թ.
Խաչատրյան Գագիկ Վարուժանի, ծնվ. 2000թ.
Շաշիկյան Տիգրան Հապետնակի, ծնվ. 2000թ.
Ավդալյան Լևոն Ռոբերտի, ծնվ. 1995թ.
Սահակյան Սևակ Հենրիկի, ծնվ. 2001թ.
Խանումյան Արամ Գերասիմի, ծնվ. 2000թ.
Հակոբյան Լևոն Արտյոմի, ծնվ. 2000թ.
Զաքարյան Հրաչիկ Ռուբիկի, ծնվ. 1997թ.
Երկանյան Սենո Շահենի, ծնվ. 2001թ.
Հակոպյան Սարգիս Հակոպի, ծնվ. 2001թ.
Հովհաննիսյան Էդմոն Հունանի, ծնվ. 2001թ.
Դավթյան Գրիգոր Վարդանի, ծնվ. 2000թ.
Լևոնյան Առնոլդ Ռուդիկի, ծնվ. 2000թ.
Վարդանյան Գարեգին Գևորգի, ծնվ. 2001թ.
Կարապետյան Վահե Արմենի, ծնվ. 2001թ.
Գևորկով Յուրի Նիկոլայի, ծնվ. 1985թ.
Հարությունյան Ռուդիկ Ֆրունզիկի, ծնվ. 1982թ.
Դանիելյան Էդուարդ Գառնիկի, ծնվ. 1983թ.
Մանասյան Արսեն Լևի, ծնվ. 1999թ.
Պապյան Արամ Հրաչիկի, ծնվ. 1973թ.
Օհանյան Արման Մայիսիկի, ծնվ. 1996թ.
Սարգսյան Վաչագան Հայկի, ծնվ. 1990թ.
Գասպարյան Ռուբեն Ավետիքի, ծնվ. 1988թ.
Գալստյան Արմեն Անդրանիկի, ծնվ. 1998թ.
Օհանյան Յուրի Սամսոնի, ծնվ. 1998թ.
Իսրաելյան Կարեն Զորավիկի, ծնվ. 1990թ.
Հարությունյան Դավիթ Վազգենի, ծնվ. 1989թ.
Սաֆարյան Ֆուրման Վալերիկի, ծնվ. 1978թ.
Հայրապետյան Կարեն Վարդգեսի, ծնվ. 1979թ.
Գրիգորյան Արմեն Գրիգորի, ծնվ. 1992թ.
Թովմասյան Օգսեն Խաչատուրի, ծնվ. 1979թ.
Բաբայան Նարեկ Աշոտի, ծնվ. 1996թ.
Ստեփանյան Կարեն Ռուբիկի, ծնվ. 1979թ.
Բաբայան Անդրանիկ Մանասերի, ծնվ. 1986թ.
Գաբրիելյան Դավիթ Մհերի, ծնվ. 1989թ.
Արշակյան Հայկ Արամի, ծնվ. 2001թ.
Սարյան Էրիկ Արտակի, ծնվ. 2002թ.
Անտոնյան Կարապետ Հովհաննեսի, ծնվ. 2000թ.
Ավետյան Ռազմիկ Արսենի, ծնվ. 2000թ.
Հակոբյան Դավիթ Արմենի, ծնվ. 2002թ.
Խաչատրյան Արման Խաչատուրի, ծնվ. 2001թ.
14:29-Վարչապետ Փաշինյանը հանդիպում է ունեցել Արկադի Ղուկասյանի և Բակո Սահակյանի հետ
Վարչապետ Նիկոլ Փաշինյանը կառավարությունում հանդիպում է ունեցել Արցախի Հանրապետության նախկին նախագահներ՝ Արկադի Ղուկասյանի և Բակո Սահակյանի հետ։ Այս մասին հայտնում են Կառավարությունից։
Հանդիպման ընթացքում քննարկվել են ադրբեջանաթուրքական ագրեսիայի հետևանքով Լեռնային Ղարաբաղում ստեղծված իրավիճակն ու հակառակորդին դիմագրավելու ուղղությամբ քայլերը։
10։36-Հյուսիսային թևում հակառակորդը կիրառում է ավիացիա և հրետանի։ Հարավային ուղղությամբ ինտենսիվ ծանր մարտերը շարունակվում են։ ՊԲ ստորաբաժանումները ձեռնարկում են համապատասխան միջոցներ հակառակորդի հարձակումը կասեցնելու համար։
09:33 - Գիշերվա ընթացքում իրադրությունը եղել է հարաբերական կայուն-լարված. հատկապես ինտենսիվ մարտեր են ընթացել հարավային ուղղությամբ
Գիշերվա ընթացքում արցախա-ադրբեջանական հակամարտության գոտում իրադրությունը եղել է հարաբերական կայուն-լարված: Առանձին հատվածներում շարունակվել են հրետանային մենամարտերը:
Հատկապես ինտենսիվ մարտեր են ընթացել հարավային ուղղությամբ:
ՊԲ ստորաբաժանումները շարունակում են վերահսկողության տակ պահել օպերատիվ իրադրությունը և իրենց գործողություններով թշնամական ուժերին պատճառում կենդանի ուժի և զինտեխնիկայի մեծաքանակ կորուստներ:
