Որ ընկերությանը և որքան գումար է վճարել վարչապետի աշխատակազմը՝ «Կրիր դիմակ, փրկիր կյանքեր» գովազդային արշավի համար

ՀՀ վարչապետի աշխատակազմը մեկ անձից կատարվող գնման միջոցով «Կրիր դիմակ, փրկիր կյանքեր» գովազդային արշավի շրջանակներում պայմանագիր է կնքել «ԷԳԱ» ՍՊԸ-ի հետ։ Պայմանագիրը կնքվել է ընթացիկ տարվա հուլիսի 30-ին, իսկ պայմանագրով ստանձնած պարտավորությունները կողմերը պետք է իրականացնեն պայմանագրի ստորագրումից հետո 20-օրյա ժամկետում։ 

Ըստ պայմանագրի «ԷԳԱ» ՍՊԸ-ն պետք է իրականացնի պաստառների ձևավորում, տպագրություն, տեղադրում, ապամոնտաժում և տեղափոխում, ինչպես նաև գովազդային վահանակների տրամադրում։

Այս պայմանագրի համաձայն` վարչապետի աշխատակազմը նշված ընկերությանը վճարել է 1.000.800 դրամ գումար։ 

Ընկերության կողմից Երևան քաղաքի 6 վարչական շրջաններում տեղադրվել է թվով 15 գովազդային վահանակ։ 

«ԷԳԱ» ՍՊԸ-ի համասեփականատերերն են Էդուարդ Գասպարյանը և Ալլա Հակոբյանը։ Ընկերությունը զբաղվում է ոչ մասնագիտացված խանութներում այլ մանրածախ առեւտրով։ 

Արմինե Նավոյան

Այս թեմայով Ոստիկանությունը 1 մլն դրամ է հատկացրել պատերազմում զոհված ոստիկանների անվանական հուշատախտակի համար Ավելի քան 141 մլն դրամ՝ «Անվերջության ժապավեն» հուշարձանի վերականգնման համար 15 մլն դրամ՝ միայն ցուցահանդեսի տաղավարի համար. Որ ընկերությունն է ԲՏԱ նախարարությանը ծառայություն մատուցել Մոսկվայում Առողջապահության նախարարությունն այսօր ավելի քան 2 մլրդ դրամի գնում է կատարել Ինչպես է ծախսվելու Եղեռնի զոհերի հիշատակի միջոցառումների համար հատկացված 91,677 մլն դրամ